អ្នកទើបចប់បាក់ឌុប ចង់ដឹងតម្លៃតាមសាកលនិងជំនាញចង់រៀនបានតាមចិត្ត លែងពិបាកហើយ

2018-08-27 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Salaenrollment ជាវិបសាយក្នុងស្រុកថ្មីមួយ ដែលបង្កើតឡើងក្នុងគោលបំណង ជួយសម្រួលដល់សិស្សទើបនិងបញ្ចប់ថ្នាក់បាក់ឌុប។ វិបសាយនេះមានព័ត៌មានជាច្រើនដូចជា តម្លៃតាមមុខជំនាញនៃសាកលវិទ្យាល័យ ទីតាំងសាលា កម្មវិធីសិក្សារបស់សាលា ក៏ដូចជាមាន ព័ត៌មានអាហារូបករណ៍ដែលសាលាទាំងនោះផ្តល់ជូនទៀតផង ។

លោក សុខ លាភ ស្ថាបនិកវិបសាយ Salaenrollment បានឲ្យ Sabay ដឹងថា គោលបំណងចម្បងនៃវិបសាយថ្មីនេះគឺ ចង់ចូលរួមចំណែកជួយដល់សិស្សនៅបណ្ដាខេត្តនានា ដើម្បីងាយស្រួលអាចស្វែងរកព័ត៌មានដែលពួកគេចង់ដឹងពីសាកលវិទ្យាល័យ និងជំនាញដែលជាក្តីស្រមៃរបស់ពួកគេ។

វិបសាយ Salaenrollment លើទូរសព្ទ

លោកលាភបានបន្តថា ឥឡូវនេះសិស្សអាចចូលទៅស្វែងរកព័ត៌មានលើវិបសាយបានទាំងភាសាខ្មែរ និងអង់គ្លេស បានដោយមិនគិតថ្លៃ រួមជាមួយរូបភាពថ្មីពីទីតាំងសាលាថែមទៀតផង។
តាមរយៈ Salaenrollment សិស្សអាចដឹងពីតម្លៃនៅតាមសាលាទាំងនោះ ដោយមិនចាំបាច់ទៅដល់ផ្ទាល់នោះទេ។

វិបសាយ Salaenrollment លើកុំព្យូទ័រ

ជាងនេះទៀត Salaenrollment បានសហការជាមួយសាកលវិទ្យាល័យជាច្រើននៅក្នុងប្រទេសកម្ពុជា មកទល់ពេលនេះ សាលាដែលបានដាក់បញ្ចូលព័ត៌មាននិងតម្លៃបានចំនួន ១២ សាកលវិទ្យាល័យហើយ៕

អានអត្ថបទបន្ត៖