ពាក្យខ្មែរទាំងនេះប្រើញឹកញាប់អត់ដឹងខុស ទាល់មើលវចនានុក្រម ចង់បាក់ចង្កេះ

2018-08-27 08:53:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាក្យជាភាសាខ្មែរប្រើប្រាស់ប្រចាំថ្ងៃមួយចំនួនមានការប្រើប្រាស់ដោយភាន់ច្រឡំ ឬក៏ទំនងជាអាចនិយាយបានថាសរសេរខុសតាមគ្នាទៅតាមសនៀងអានទៅវិញ។

ថ្ងៃនេះ Sabay លើកយកពាក្យពីរដែលកន្លងមកអ្នកប្រើប្រាស់អាចយល់ថាសរសេរត្រូវ ឬក៏ទំនងជាមិនបានដឹងថាខុសតែម្តង។

១. រាគ ឬរាក

ក្នុងសំណេរខ្លះមានសរសេរពាក្យ «រាគ» និងក្នុងសំណេរខ្លះមានពាក្យ «រាក»។ សម្រាប់ពាក្យសំដៅដល់អការៈរាន់ខ្លាំងទប់មិនបាន គឹប្រើពាក្យ «រាក» ដែលតាមវចនុក្រម រាក មាន័យថា លេចដោយរាន់ខ្លាំងទប់មិនទាន់ឬទប់មិនឈ្នះ ចុះរាក ចុះឧច្ចារៈរាន់រាកខ្លាំង ជាដើម។

ចំណែកពាក្យ «រាគ» វិញសំដៅដល់ តម្រេក សេចក្ដីរីករាយ ត្រេកត្រអាល ចំពោះកាម។ នេះបើតាមវចនានុក្រមសម្តេចព្រះសង្ឃរាជជូន ណាត។

២. ប្រឌិតឬប្រតិដ្ឋ

ជាធម្មតាក្នុងការសរសេរឃើញមានសរសេរពាក្យ «ប្រឌិត» ជាជាងពាក្យ «ប្រតិដ្ឋ» ដោយសំដៅដល់ន័យថាបង្កើតឲ្យមានឡើងតាមយោបល់របស់ខ្លួន ដោយប្រដូចទៅនឹងនេះនឹងនោះខុសសោះក៏មាន ត្រូវដែរក៏មាន។

ពាក្យត្រឹមត្រូវនៃអត្ថន័យនេះ គឺ «ប្រតិដ្ឋ» មិនមែន «ប្រឌិត» នោះទេ។ ប្រតិដ្ឋ មានន័យថាបង្កើតឲ្យមានឡើងតាមយោបល់របស់ខ្លួន ដោយប្រដូចទៅនឹងនេះនឹងនោះខុសសោះក៏មាន ត្រូវដែរក៏មាន : កុំអាលជឿពេក ព្រោះអ្នកនិយាយចេះតែប្រតិដ្ឋថាៗទៅទេ។ នេះបើតាមវចនានុក្រមសម្តេចព្រះសង្ឃរាជជូន ណាត

ឯពាក្យ «ប្រឌិត» គឺជាសំនៀងទម្លាប់អានរបស់ពាក្យ «ប្រតិដ្ឋ»។ នេះបើតាមវចនានុក្រមដដែល៕

អត្ថបទ៖ ទូច សុខា