កីឡាករឆ្នើម Atletico ថា ការបាត់មុខ Messi ធ្វើឲ្យពាន FIFA បាត់តម្លៃ
- 2018-09-05 11:14:27
- ចំនួនមតិ 0 | ចំនួនចែករំលែក 0
កីឡាករឆ្នើម Atletico ថា ការបាត់មុខ Messi ធ្វើឲ្យពាន FIFA បាត់តម្លៃ
ចន្លោះមិនឃើញ
ខ្សែការពារស្លាប Atletico Madrid កីឡាករ Filipe Luis ក្នុងថ្ងៃនេះ បាននិយាយថា ការមិនមានវត្តមាន Messi ក្នុងបេក្ខភាពទាំងបីដើម្បីប្រជែងពានកីឡាករល្អបំផុតប្រចាំឆ្នាំ ២០១៨ ធ្វើឲ្យពានមួយនេះបាត់តម្លៃ។
ខ្សែការពារស្លាប Luis បាននិយាយ៖ "ពានរង្វាន់កីឡាករល្អបំផុត គឺសម្រាប់កីឡាករដែលលេងបានល្អបំផុត។ ចំពោះខ្ញុំ សព្វថ្ងៃនេះ កីឡាករដែលល្អបំផុត គឺ Lionel Messi ដូចឆ្នាំមុនៗកន្លងទៅដូច្នេះដែរ"។
កីឡាករប្រេស៊ីលបានបន្ត៖ "នៅពេលដែលរូបគេគ្មានមុខប្រជែងពានមួយនេះ វាធ្វើឲ្យពានមួយហ្នឹងបាត់តម្លៃ។ វាមិនសំខាន់ទេ ថានរណាឈ្នះ World Cup ឬ Champions League សំខាន់ Messi គឺជាកីឡាករល្អបំផុត"។
សូមបញ្ជាក់ផងដែរថា កាលពីដើមសប្ដាហ៍នេះ បេក្ខភាពទាំងបី ដើម្បីប្រជែងពានកីឡាករល្អបំផុតប្រចាំឆ្នាំ របស់ FIFA ត្រូវបានប្រកាស។ ពួកគេទាំងបី រួមមាន Cristiano Ronaldo, Luka Modric និង Mohamad Salah។
ការមិនមានវត្តមានក្នុងការប្រជែងពានមួយនេះ កើតឡើងជាលើកដំបូងបំផុតសម្រាប់ខ្សែប្រយុទ្ធ Messi ក្នុងរយៈពេល ១២ ឆ្នាំ។
កាលពីរដូវកាល ២០១៧/១៨ Messi ស៊ុតសរុប ៤៥ គ្រាប់ ក្នុងការបង្ហាញខ្លួន ៥៤ លើក។ កីឡាករបានឈ្នះពានលីគកំពូលអេស្ប៉ាញ និង Copa Del Rey៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
