អូន ម៉ី អាយុត្រឹម២០ឆ្នាំមានជំនួញ៤ក្នុងដៃ ហើយឆ្លៀតទិញរថយន្ត ចិញ្ចៀនពេជ្រ ដោយគ្មានញញើត

2018-09-06 05:22:02
ចំនួនមតិ 0 | ចំនួនចែករំលែក 0

ចន្លោះមិនឃើញ

មានវ័យទើប២០ឆ្នាំ ប៉ុន្តែតារាសម្ដែងវ័យក្មេង អៀ ម៉េងលិ ហៅ អូន ម៉ី ក្លាយជាថៅកែស្រី កាន់កាប់មុខជំនួញ៤ ក្នុងទឹកប្រាក់មិនតិចម៉ឺនដុល្លារ ធ្វើឲ្យនាងរវល់ស្ទើរដកខ្លួនមិនរួច។ លើសពីនេះ តារាសម្ដែងចូលចិត្តស្លៀកពាក់សិចស៊ី ប្រាប់ថា ក្ដីស្រមៃរបស់នាងធំណាស់ ដូច្នេះមុខជំនួញ៤នេះ មិនទាន់គ្រាន់គ្រាន់ទេ បើមានប្រាក់ទៀត អូន ម៉ី នឹងបើកអាជីវកម្មបន្ថែមទៀត។

តួឯកស្រី ក្នុងរឿង "មរតកបេះដូង" ប្រាប់ថា នាងបានបើកជំនួញដូចជា លក់អង្ករ ដោយទិញពីខេត្តបាត់ដំបង យកទៅលក់នៅក្រៅប្រទេស បើកហាងលក់គុយទាវ និងថ្មីៗនេះ បើកលក់ស្រា និងហាងថែរក្សាសម្រស់។ របររកស៊ីកាន់តែច្រើន អូន ម៉ី និយាយថា មិនសូវមានពេលគ្រប់គ្រាន់មើលការខុសត្រូវក្នុងហាងទេ ភាគច្រើន លោកពូរបស់នាង ជាអ្នកជួយ។

តារារូបនេះ ហាក់ចូលចិត្តលើការរកស៊ីណាស់ ដោយនាងចង់បន្តបើកអាជីវកម្មថែមទៀត បើមានដើមទុនច្រើន។ គេឃើញថា រាសីរបស់អូនម៉ី ហាក់ឡើងខ្ពស់ត្រដែត ដោយកាលពីឆ្នាំ២០១៧ នាងទើបឡើងផ្ទះថ្មី តម្លៃ២៣ម៉ឺនដុល្លារ ហើយបង្កើតរបររកស៊ីបន្តបន្ទាប់ និងថ្មីៗនេះនៅលើបណ្ដាញសង្គម អូន ម៉ី ទើបទិញចិញ្ចៀនពេជ្រ និងប្ដូររថយន្ត mazda-3 តម្លៃជិត៥ម៉ឺនដុល្លារ ទៀតផង ដោយសរសេរថា "សម្រេច ហេងៗណាកូន"៕