ស្រីស្អាត សិទ្ធី នីកា មានស្នេហាជាមួយសែស្រឡាយរាជវង្ស

2018-09-11 07:29:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង សិទ្ធី នីកា ធ្វើឲ្យអ្នកគាំទ្រភ្ញាក់ផ្អើលមិនស្ទើរនោះទេ នៅពេលដឹងថា គូស្នេហ៍របស់ក្មួយស្រី អ្នកនាងព្រំ រដ្ឋា រូបនេះ ជាសាច់ញាតិមានជាប់សាច់សាលោហិតនឹងរាជវង្ស។

ក្នុងពិធីខួបកំណើតរបស់តួអង្គក្នុងរឿង "ឪពុកខ្ញុំ" កាលពីយប់មិញ មានការរៀបចំយ៉ាងអធិកអធម ហើយអ្វីកាន់តែពិសេសទៀតនោះ តារាសម្ដែងវ័យក្មេងរូបនេះ បានទម្លាយមុខមាត់គូស្នេហ៍របស់ខ្លួន និងថតរូបយ៉ាងស្និទ្ធស្នាលទៀតផង។ មិត្តប្រុសរបស់ សិទ្ធី នីកា ត្រូវបានគេដឹងថា ជាកូនប្រុស របស់សម្ដេចនរោត្តម ចក្សពង្ស ជាសែលោហិតរាជវង្សខ្មែរ។

កាលពីឆ្នាំកន្លងទៅ ស្រីស្អាតរូបនេះ ធ្លាប់បង្ហើបថា នាងមិនទាន់គិតគូលើរឿងស្នេហានោះទេ ដោយចង់គិតគូរលើការងារសិល្បៈសិន។ ប៉ុន្តែពេលនេះ សិទ្ធី នីកា បានរកឃើញស្នេហាហើយ ព្រមទាំងឃើញថាទំនាក់ទំនងអ្នកទាំងពីរក៏ចុះសម្រុង និងយល់ចិត្តបានល្អផងដែរ។ ចំពោះរឿងរ៉ាវស្នេហានេះ មិនអាចសុំការលម្អិតពីតារាសម្ដែង សិទ្ធី នីកា បានទេ ដោយទូរស័ព្ទរបស់នាងមិនអាចទាក់ទងបាន៕