អូន ម៉ី បកស្រាយប្រភពលុយរាប់ម៉ឺនដុល្លារ ទិញឡាន ចិញ្ចៀន និងបើកជំនួញច្រើនមុខ
- 2018-09-13 02:01:52
- ចំនួនមតិ 0 | ចំនួនចែករំលែក 0
អូន ម៉ី បកស្រាយប្រភពលុយរាប់ម៉ឺនដុល្លារ ទិញឡាន ចិញ្ចៀន និងបើកជំនួញច្រើនមុខ
ចន្លោះមិនឃើញ
ក្រៅពីអាជីពជាតារាសម្ដែង អូន ម៉ី ត្រូវបានគេដឹងថា កំពុងកាន់កាប់មុខជំនួញច្រើន ព្រមទាំងទិញរថយន្តស៊េរីទំនើបតម្លៃជិត ៥ម៉ឺនដុល្លារ បូករួមទាំងចិញ្ចៀនពេជ្រផងនោះ បានធ្វើឲ្យអ្នកគាំទ្រជាច្រើនឆ្ងល់ថា កញ្ញា អៀ ម៉េងលិ ហៅអូន ម៉ី បានប្រាក់ទាំងដុំមកពីណា ទាំងវ័យក្មេងបែបនេះ?
ទាក់ទិននឹងរឿងរ៉ាវនេះ តួឯកក្នុងរឿង "មរតកបេះដូង" ប្រាប់ថា ប្រាក់ដែលបានមក គឺម្ដាយឪពុករបស់កញ្ញាជាអ្នកផ្ដល់ឲ្យ ព្រមទាំងកម្លាំងញើសឈាមខំប្រឹងពីការងារសិល្បៈកន្លងមក។ ម្ដាយឪពុករបស់អូន ម៉ី ជាអ្នកជំនួញម្នាក់ ដែលបានរកស៊ីលើរបរលក់អង្ករនាំចេញទៅលក់ក្រៅប្រទេសយូរឆ្នាំមកហើយ ដូច្នេះប្រាក់ដែលរកបានក៏ច្រើនល្មមសម្រាប់ទុកឲ្យកូនស្រីបង្កើតមុខជំនួញបន្ថែមបានដែរ។
ម្ល៉ោះហើយ ប្រាក់បានពីការរកស៊ីលើមុខជំនួញទាំងអស់ និងការងារសិល្បៈ ដែលអូន ម៉ី ខំប្រឹងរកទាំងយប់ថ្ងៃ បូករួមទាំងប្រាក់ពីឪពុកម្ដាយផងនោះ អាចធ្វើឲ្យតារាអាយុ២០ឆ្នាំរូបនេះ មានលទ្ធភាពទិញរថយន្តទំនើប និងចិញ្ចៀនពេជ្រ ដោយគ្មានការជ្រោមជ្រែងពីឧកញ៉ាណា ឬអ្នកមានឋានៈយសស័ក្កិនោះទេ។
តារារូបនេះមិនបញ្ជាក់ពីប្រាក់ចំណូលដែលបានពីការរកស៊ីនេះ បានប៉ុន្មាននោះទេក្នុងមួយខែៗ តែ អូន ម៉ី បញ្ជាក់ថា នាងរវល់ស្ទើររកពេលសម្រាកគ្មាន ដោយសារតែការរកស៊ីមានការមមាញឹក និងដំណើរការល្អ ។ ដូច្នេះប្រាក់ចំណូលបានពីរបររកស៊ីទាំងនេះ ជាទុនមួយជួយជីវភាពរបស់ស្រីស្អាតរូបនេះហ៊ឺហារបាន៕