អ្នកណាថាភ្នំភ្លើងគួរឲ្យខ្លាច! មកមើល១៦សន្លឹកនៃភ្នំភ្លើងដ៏ស្រស់ស្អាតបំផុតក្នុងលោក

2018-09-16 03:20:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពីកំពូលភ្នំដ៏អស្ចារ្យ រហូតដល់ភ្នំដែលព័ទ្ធដោយទឹកបឹងខៀវស្រងាត់ រូបភាពខាងក្រោមនេះនឹងបង្ហាញពីសម្រស់ដ៏គួរឲ្យចាប់អារម្មណ៍បំផុតរបស់ពិភពលោក។

ភ្នំភ្លើងដែលរាប់តាំងពីប្រទេសអ៊ីស្លង់ កោះហាវ៉ៃសហរដ្ឋអាមេរិក ដែលមានអាយុប្រមាណ ៣០០ ០០០ ឆ្នាំ រហូតដល់ភ្នំភ្លើងដ៏សម្បូរនៅក្នុងប្រទេសឥណ្ឌូនេស៊ី។

សព្វថ្ងៃតំបន់នេះមានប្រជាប្រិយភាពសម្រាប់អ្នកទេសចរដែលចូលចិត្តដើរភ្នំ មានទេសភាពដ៏ស្រស់ស្អាត ដែលមានផ្លូវតាមមាត់សមុទ្រព័ទ្ធជុំវិញភ្នំភ្លើង។

ដោយឡែក ប្រទេសឥណ្ឌូណេស៊ីបានក្លាយជាតំបន់មួយក្នុងចំណោមចំណុចល្អបំផុតនៅក្នុងពិភពលោកសម្រាប់ទេសភាពភ្នំភ្លើងដ៏ស្រស់ស្អាត និង ភ្នំភ្លើងដែលនៅសកម្មច្រើនជាងប្រទេសណាណាទាំងអស់ សរុប១២៧ ដែលអាចនឹងផ្ទុះឡើងគ្រប់ពេល។

ខាងក្រោមនេះ គឺជារូបភាព១៦សន្លឹកបង្ហាញបីទិដ្ឋភាពអស្ចារ្យរបស់ភ្នំភ្លើងទាំងនោះ៖

១ រូបនេះថតនៅកម្ពស់ ២៣២ ម៉ែត្រដោយអ្នកថតរូបឈ្មោះ Chase O ជាភ្នំភ្លើងដ៏ចំណាស់មួយនៅកោះហាវ៉ៃសហរដ្ឋអាមេរិក មានអាយុ ៣០០ ០០០ មកហើយ។

២ ភ្នំភ្លើងតាល់នៅប្រទេសហ្វីលីពីន។ វាជាភ្នំភ្លើងដែលសកម្មលំដាប់ទី២នៅប្រទេសនេះ ដែលមានការផ្ទុះជាង៣០លើកមកហើយ។

៣ ទិដ្ឋភាពពណ៌ដូចមាសរបស់ភ្នំភ្លើងវ៉ូស៊ូវីសនៅក្នុងប្រទេសអ៊ីតាលី ជាតំបន់ទេសចរណ៍ដ៏ទាក់ទាញ។ មានកន្លែងចតឡាន និង ផ្លូវដើរដែលអាចឡើងទៅដល់មាត់រណ្តៅភ្នំភ្លើង។

៤ រូបភាពលើលំហនៃភ្នំភ្លើងដែលមានស្មៅខៀវខ្ចីនៅប្រទេសអ៊ីស្លង់។ ថតដោយ Luca Micheli។

៥ រូបថតដោយដ្រូនពីលើភ្នំភ្លើង អ៊ីជេន (Ijen) ភាគខាងលិចកោះជ្វាប្រទេសឥណ្ឌូណេស៊ី នាពេលព្រឹកព្រហាម។

៦ Zhang Tianqi បានផ្តិតយកទិដ្ឋភាពភ្នំភ្លើងនៅខេត្តម៉ុងហ្គោលខាងក្នុង ភាគខាងជើងប្រទេសចិនជាប់ព្រំប្រទល់ប្រទេសម៉ុងហ្គោល។ ជាភ្នំភ្លើងដែលដុះដោយស្មៅបៃតងខ្ចី ហើយ យើងអាចមើលឃើញមនុស្សដើរឡើងភ្នំនេះ។

៧ Yosh Ginsu បានថតរូបភាពនៃផ្សែងក្រាស់ឃ្មឹក និង ផេះដែលកំពុងហុយចេញពីភ្នំភ្លើងស៊ីណាប៊ុងនៅក្នុងប្រទេសឥណ្ឌូណេស៊ី។ ភ្នំភ្លើងបានផ្ទុះឡើងកាលពីខែកុម្ភៈឆ្នាំនេះ។

៨ ជាភ្នំភ្លើងមួយទៀតដែលស្ថិតនៅជួរភ្នំភ្លើង ស៊ូឡាវ៉េស៊ី (Sulawesi) ប្រទេសឥណ្ឌូណេស៊ី។ មិនឆ្ងាយពីនោះប៉ុន្មាន យើងអាចមើលឃើញផ្ទះរបស់សហគមន៍ដែលរស់នៅក្បែរភ្នំភ្លើងនោះ។

៩ ផ្លូវក្រាលកៅស៊ូបាននាំអ្នកទៅកាន់ភ្នំភ្លើងដ៏ស្រស់ស្អាតមួយស្ថិតនៅក្នុងឧទ្យាន Snæfellsjökull ប្រទេសអ៊ីស្លង់។

១០ ជ្រុងមួយទៀតនៃភ្នំភ្លើងសកម្ម Ijen ក្នុងប្រទេសឥណ្ឌូណេស៊ី ដែលបង្ហាញពីទឹកបឹងមានពណ៌ដ៏ស្រស់ស្អាតប៉ុន្តែទឹកនេះមានកម្រិតជាតិអាស៊ីតខ្ពស់បំផុត និង ទឹកបឹងផ្ទុកសារធាតុស្ពាន់ធ័រ។

១១ ភ្នំភ្លើង ជូដាងយ៉ា (Chu Dang Ya ) ដែលជុំវិញហ៊ុមព័ទ្ធទៅដោយវាលស្រែ ស្ថិតនៅក្នុងខេត្តជាឡាយ (Gia Lai) ប្រទេសវៀតណាម ដែលដីស្រែជុំវិញភ្នំភ្លើងនេះមានជីវជាតិបំផុត ព្រោះវាសម្បូរទៅដោយសារធាតុរ៉ែ ប្រយោជន៍សម្រាប់ការដាំដុះ។