ម្ដាយក្មេក ផាន់ ម៉ូនីកា ទម្លាយមូលហេតុពិត មានកូនប្រសាសុទ្ធតែតារាចម្រៀងនៅសាន់ដេ

2018-09-17 02:55:25
ចំនួនមតិ 0 | ចំនួនចែករំលែក 0

ចន្លោះមិនឃើញ

មានពូជពង្សវង្សត្រកូលជាអ្នករកស៊ីពិតមែនតែអ្នកស្រី នូ សុគន្ធា មានកូនប្រសាស្រីសុទ្ធតែតារាចម្រៀងនៅផលិតកម្មសាន់ដេ។ រហូតធ្វើឲ្យមតិមួយចំនួនលើកឡើងថា ហេតុអ្វីគ្រួសារអ្នកស្រីចូលចិត្តជ្រើសរើសកូនប្រសាស្រីតារាល្បីៗ?

ម្ដាយក្មេក ផាន់ ម៉ូនីកា និង អេនជី

ឆ្លើយតបនឹងការលើកឡើងខាងលើអ្នកស្រី នូ សុគន្ធា បានមានប្រសាសន៍ថា ចំពោះកូនប្រសាស្រីមានអាជីពជាអ្នកចម្រៀងនៅផលិតកម្មសាន់ដេ ទាំងមុននិងក្រោយគឺកូនប្រុសជាអ្នកជ្រើសរើស និងស្រឡាញ់ពេញចិត្តដោយខ្លួនឯងគ្មានការផ្សំផ្គុំពីចាស់ទុំទាំងសង្ខាងឡើយ។ អ្នកស្រី និងស្វាមីក៏គ្មានអ្វីជំទាស់ចិត្តកូនៗដែរប្រសិនបើពួកគេស្រឡាញ់គ្នាទៅហើយ។

អ្នកស្រីថា ស្នេហាយុវវ័យសម័យនេះមិនអាចបង្ខំបានទេ ប្រសិនបើកូនគេជ្រើសរើសស្រឡាញ់អ្នកណាហើយ ក្នុងនាមជាម្ដាយឪពុកមានតែបំពេញចិត្តកូន។ អ្វីដែលសំខាន់ឲ្យតែកូនៗចេះស្រឡាញ់គ្នាខិតខំប្រឹងប្រែងរកស៊ីជម្នះរាល់ពាក្យនិន្ទាពីមនុស្សជុំវិញខ្លួនទៅគឺបានហើយ។ ម្យ៉ាងទៀតក្រុមគ្រួសារអ្នកស្រី ក៏មិនបានប្រកាន់រើសអើងកូនប្រសាជាអ្នកសិល្បៈដែរ។

ផាន់ ម៉ូនីកា និង អេនជី ជាមួយម្ដាយក្មេក

“និយាយទៅកូនប្រសាខ្ញុំទាំងពីរ ផាន់ ម៉ូនីកា និង អេនជី គឺល្អដូចគ្នាទោះបីជាកូនទាំងពីរជាអ្នកសិល្បៈ តែស្រឡាញ់ និងគោរពខ្ញុំ និងស្វាមីណាស់។ ពិសេសគឺខិតខំប្រឹងប្រែងរកស៊ីតាមគន្លងធម៌ណាស់។ អ៊ីសុំបញ្ជាក់ត្រង់នេះបន្តិចចំពោះ អ៊ីមិនប្រកាន់កូនប្រសាអ្នកសិល្បៈ ចិន ឬ ខ្មែរនោះទេ ឲ្យតែកូនៗស្រឡាញ់គ្នាគឺអ៊ីរៀបចំមង្គលការឲ្យហើយ"។ ម្ដាយក្មេក ផាន់ ម៉ូនីកា បន្ថែម៕