មិននឹកស្មាន! ឌុច លីដា និងដាលីស ផ្ដល់មេរៀនឲ្យកូនកាត់ខ្មែររុស្ស៊ីចងចាំដល់ថ្នាក់មិនអាចភ្លេចបាន

2018-09-19 02:49:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ល្ងាចមិញនេះផលិតកម្មមហាហង្សបានសម្ពោធដាក់បញ្ចាំងជាផ្លូវការខ្សែភាពយន្តខ្នាតធំរបស់ខ្លួនរឿង"ណូលីណូឡា" នៅរោងភាពយន្ត Legend បឹងកក់។ ក្នុងនោះតារាសម្ដែងកូនកាត់ខ្មែររុស្ស៊ី សួន រ៉ានីរ៉ាស៊ីនី ជាតួឯកប្រុសបានរៀបរាប់ថា ភាពយន្តថ្មីមួយនេះលោក បានទួលមេរៀនច្រើនពី ភិន សុដាលីស និង ឌុច លីដា។

កូនកាត់ខ្មែររុស្ស៊ី ថា ត្បិតចូលប្រឡូកសិល្បៈយូរឆ្នាំពិតមែនតែខ្លួន មានបទពិសោធន៍តិចតួចប៉ុណ្ណោះក្នុងសម្ដែងរឿង។ តែទោះបីជាយ៉ាងណាក៏ដោយលោក សប្បាយចិត្ត ព្រោះអំឡុងពេលថតភាពយន្តខ្នាតធំ "ណូលីណូឡា" មានការពន្យល់ និងជួយណែនាំបន្ថែមពីស្រីស្អាតទាំងពីរដែលជាតួឯកស្រីក្នុងរឿងមានបទពិសោធន៍ក្រាស់ក្រែលក្នុងសិល្បៈនោះគឺ ឌុច លីដា និង ភិន សុដាលីស។

“មេរៀនដែល ដាលីស និង លីដា បានផ្ដល់ឲ្យខ្ញុំជាច្រើននៅពេលចុះថត គឺខ្ញុំចងចាំជានិច្ចមិនអាចបំភ្លេចបាន ហើយខ្ញុំនឹងយកវាទៅហ្វឹកហាត់រៀនបន្ថែមទៀតដើម្បីអភិវឌ្ឍខ្លួនខ្ញុំ។ អរគុណច្រើនដល់ស្រីស្អាតទាំងពីរដែលជួយកែតម្រូវដល់រូបខ្ញុំ"។ សួន រ៉ានីរ៉ាស៊ីនី បន្ថែម។

ជាមួយគ្នានេះដែរលោក អ៊ិន សុភិន អគ្គនាយកផលិតកម្មមហាហង្ស ឲ្យដឹងថា រឿង"ណូលីណូឡា" សម្ដែងដោយ លីដា ដាលីស និង រ៉ាស៊ីនី នេះគឺខុសប្លែកពីរឿងមុនៗ ជាសាច់រឿងបែបរ៉ូមែនទិក សប្បាយៗ មិនមានខ្មោចលងបន្លាចនោះទេ សាច់រឿងទាំងមូលបង្កប់ទៅដោយអត្ថន័យអប់រំជាច្រើន។

រឿងនេះចំណាយការផលិតអស់រយៈពេលជាច្រើនខែ រីឯទីតាំងថតវិញមាននៅរាជធានីភ្នំពេញ កំពង់ស្ពឺ កំពង់ធំ និង ខេត្តសៀមរាប។ "ណូលីណូឡា" ត្រៀមនឹងដាក់បញ្ចាំងគ្រប់រោងភាពយន្តទំនើបៗក្នុងរាជធានីភ្នំពេញ និងខេត្តសៀមរាបចាប់ពីថ្ងៃទី ២០ ខែកញ្ញា ឆ្នាំ២០១៨ នេះដោយមានការចូលរួមសម្ដែងពី ភិន សុដាលីស សួន រ៉ានីរ៉ាស៊ីនី ភឹម តារាវិបុល ឌុច លីដា អូន ឧស្សាហ៍ ចាន់ តារាទី ខ្ញុង ពែកមី និងតារាសម្ដែងប្រុសស្រីជាច្រើនរូប៕