ប្រើស្ទីលថ្មីប្រមូលលុយអ្នកជិះឡានក្រុង ឃើញហើយទប់សំណើចមិនជាប់ (មានវីដេអូ)

2018-09-26 08:57:57
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអាទិត្យទី ២១ខែកញ្ញាសប្ដាហ៍មុន វីដេអូមួយបានផ្ទុះពេញបណ្ដាញសង្គមហ្វីលីពីនក្រោយបុរសម្នាក់ប្រើស្ទីលសំយុងខ្លួនដើម្បីប្រមូលលុយអ្នកជិះឡានក្រុង។

ក្នុងវីដេអូនេះ គេឃើញបុរសម្នាក់ដែលជាបុគ្គលិកឡានក្រុង បានសំយុងខ្លួនពីលើគ្រោងដែកកាន់ក្នុងឡានដើម្បីប្រមូលលុយអ្នកធ្វើដំណើរ។ យោងតាមម្ចាស់វីដេអូដែលបានបង្ហោះទៅក្នុង Facebook គឺលោក Daniel Mark Natividad សរសេរថា បុរសខាងលើបានចំណាយពេលសរុប ១៥នាទីដើម្បីប្រមូលលុយដោយសារតែមានភ្ញៀវពេញពេក ទើបលោកសម្រេចចិត្តឡើងទៅលើគ្រោងដែកហើយប្រមូលលុយបានលឿងជាងមុន ដោយមិនគិតពីសុវត្ថិភាពផ្ទាល់ខ្លួន។

ទោះយ៉ាងណាក៏ដោយ វីដេអូនេះបានទទួលភាពល្បីល្បាញខ្លាំងក្នុងបណ្ដាញសង្គម Facebook ហ្វីលីពីនដោយអ្នកខ្លះសម្ដែងការហួសចិត្តយ៉ាងខ្លាំងព្រោះមិនធ្លាប់ឃើញទង្វើបែបនេះពីមុនមក ខណៈអ្នកខ្លះទៀតបែរជាអស់សំណើចទៅវិញ៕

សូមទស្សនាវីដេអូខាងក្រោម ៖

ប្រភព៖ Coconut ប្រែសម្រួល ៖ រ័ត្ន