កាន់ជំនួញច្រើនមែនតែ អូនម៉ី មិនចូលចិត្តខោអាវថ្លៃៗ សូម្បីជជុះក៏ធ្លាប់ទិញ
- 2018-09-27 08:17:37
- ចំនួនមតិ 0 | ចំនួនចែករំលែក 0
កាន់ជំនួញច្រើនមែនតែ អូនម៉ី មិនចូលចិត្តខោអាវថ្លៃៗ សូម្បីជជុះក៏ធ្លាប់ទិញ
ចន្លោះមិនឃើញ
កញ្ញា អៀ ម៉េងលិ ហៅ អូនម៉ី ជាតារាសម្ដែងវ័យក្មេង ដែលត្រូវគេដឹងថា នាងមានវ័យក្មេងនោះទេ តែមានជំនួញក្នុងដៃច្រើន។ លើសពីនេះ កញ្ញា ថែមទាំងមានលទ្ធភាពទិញរថយន្តជិត៥ម៉ឺនដុល្លារ និងចិញ្ចៀនពេជ្រ មកធ្វើកម្មសិទ្ធិថែមទៀត។ ទោះជាមើលទៅ អូនម៉ី រស់ក្នុងជីវភាពហ៊ីហារយ៉ាងណាក្ដី តែបើមើលលើតម្លៃសម្លៀកបំពាក់វិញ អូនម៉ី ប្រាប់ថា នាងជាមនុស្សសាមញ្ញ មិនសូវនិយមផ្ដោតខ្លាំងលើសម្លៀកបំពាក់ Brand ឡើយ។
ជាក់ស្ដែងក្នុងឱកាសពិធីខួបកំណើតរបស់តារាចម្រៀង អ៊ីណូ កាលពីថ្មីៗនេះ តារាមានគូស្នេហ៍ជានិស្សិតរៀននៅឥណ្ឌា បង្ហើបថា រ៉ូប ពណ៌សដែលនាងស្លៀកមកកម្មវិធីនេះ មានតម្លៃ ជាង២០ដុល្លារ ស្បែកជើងជាង២០ដុល្លារ និងកាបូបតម្លៃជាង៣០ដុល្លារ ។ តួឯកក្នុងរឿង "មរតកបេះដួង" បន្តថា មានពេលខ្លះសូម្បីខោអាវជជុះ ក៏អូនម៉ី ធ្លាប់ទិញយកមកពាក់ដែរ។
"ខ្ញុំមិនខ្លាចគេរិះគន់ទេ មិនមែនទាល់តែរបស់ថ្លៃ ទើបខ្ញុំអាចពាក់បានទេ។ ពេលខ្លះអាវជជុះក៏ខ្ញុំពាក់ដែរ ឲ្យតែលើកមកស្អាត ពាក់មកសម គឺខ្ញុំទិញពាក់ទាំងអស់"។ នេះបើតាម ស្រីស្អាតអាយុ២០ឆ្នាំ បញ្ជាក់។
អូន ម៉ី និយាយថា ពេលខ្លះ ក៏ចូលចិត្តរបស់ Brand ដែរ តែគ្រាន់ថា ចំណូលចិត្តផ្ទាល់តែម្ដងលើសម្លៀកបំពាក់ថ្លៃៗ កញ្ញា មិនសូវចាប់អារម្មណ៍ច្រើននោះឡើយ ព្រោះកញ្ញាយល់ថា មិនចង់ចំណាយលុយច្រើនលើរបស់ Brand Brand ។ សម្រាប់អូន ម៉ី ចូលចិត្តសន្សំលុយទិញរបស់មានតម្លៃដូចជា ឡាន ផ្ទះ និងបើករកស៊ី ច្រើនជាង៕