ចាំងគីម ព្រមទម្លាយអត្តសញ្ញាណពិតរបស់ប្ដី ក្រោយរៀបការ ៩ឆ្នាំ បង្កឲ្យគ្រប់គ្នាភ្ញាក់ព្រាត

2018-09-28 02:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបញ្ចប់ជីវិតនៅលីវ ក្លាយជាភរិយាគេមក តារាសម្ដែង Lee Young Ae ឬចាំងគីម មិនដែលបង្ហាញមហាជនពីជីវិតគ្រួសាររបស់នាងឡើយ ទើបតែពេលនេះអ្វីៗត្រូវបានបង្ហាញហើយ។

កាលពីខែសីហា ឆ្នាំ ២០០៩ តារាសម្ដែងដែលគ្រប់គ្នាហៅថា "ចាំងគីម” បានរៀបការជាមួយសហគ្រិនកូរ៉េកាត់អាមេរិកម្នាក់មានឈ្មោះ Jeong Ho Young នៅកោះហាវ៉ៃ។

ទោះបីគ្រប់គ្នាដឹងថាស្វាមីររបស់នាងគឺជាអ្នកមាន ស្គាល់ទាំងឈ្មោះ និងការងារក៏ដោយ ប៉ុន្តែអ្នកគាំទ្រនៅតែចង់ដឹងបន្ថែមពីអត្តសញ្ញាណរបស់លោក។

ជាក់ស្ដែងកាលពីថ្ងៃទី២៥ ខែកញ្ញា ចាំងគីម ដែលជាភរិយាបានបង្ហើបពីព័ត៌មានខ្លះៗរបស់ស្វាមីលោក Jeong Ho ហើយ។ លោកគឺជា គឺជាប្រធានក្រុមហ៊ុន Korea Elecom ដែលជាក្រុមហ៊ុន បង្កើតឡើងតាំងពីឆ្នាំ ២០០២ និងជាសាខារបស់ក្រុមហ៊ុន LG។ ជាមួយគ្នានេះ ពត៌មានទាក់ទងនឹងស្វាមីតារាស្រីល្បីឈ្មោះរបស់កូរ៉េរូបនេះ កំពូងទទួលបានការគាំទ្រមិនធម្មតានាពេលបច្ចុប្បន្ន។

យ៉ាងណាមិញ ក្រោយរៀបការជិត១០ឆ្នាំ ប្ដីប្រពន្ធមួយគូនេះ ក៏ទទួលបានកូនភ្លោះ ២នាក់ ក្នុងនោះប្រុសម្នាក់ ស្រីម្នាក់។ មកទល់ឆ្នាំ ២០១៨ ក្មេងៗទាំង ២មានអាយុ ៧ឆ្នាំហើយ។ ជីវិតគ្រួសាររបស់ Young Ae ពោរពេញទៅដោយសុភមង្គលកាត់ថ្លៃមិនបាន ជាហេតុគ្រប់គ្នានាំគ្នាកោតសរសើរនឹងបុណ្យសំណាងរបស់នាងដែលរកឃើញសុភមង្គលប្រចាំជីវិតបែបនេះ ហើយនេះក៏ជាក្ដីប្រាថ្នារបស់នារីគ្រប់រូបដែរ៕