ទីបំផុត Kwan រកបានគូស្នេហ៍ថ្មី ជាកូនអ្នកមាន និងត្រូវស្នងតំណែងមរតកធំនេះទៀត

2018-09-28 04:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបែកគ្នាពី Golf Pichaya តារាសម្ដែង Kwan Usamanee ត្រូវបានអ្នកគាំទ្រផ្ដោតការចាប់អារម្មណ៍កាន់តែច្រើន ពីជីវិតឯកជនរបស់នាង។ ជាពិសេសនៅពេលថ្មីៗនេះគ្រប់គ្នាកាន់តែភ្ញាក់ផ្អើលនឹងវត្តមានបុរសម្នាក់ដែលស្និទ្ធស្នាលជាមួយ Kwan ហើយថែមទាំងចង់ដឹងថា តើម្នាក់នោះជាអ្នកណា?

រឿងរ៉ាវថ្មីនេះបានកក្រើកពេញបណ្ដាញផ្សព្វផ្សាយ ហើយចុងក្រោយទើបដឹងថា បុរសម្នាក់ដែល Kwan ថតឱបស្និទ្ធស្នាលជាមួយនោះគឺជា មិត្តប្រុសថ្មីរបស់នាង ឈ្មោះ Sarusakti Bhanubandh (Patrick)។ អ្វីដែលកាន់តែភ្ញាក់ផ្អើលនោះគឺ លោកមកពីគ្រួសារអភិជន និងជាអ្នកស្នងតំណែងវ័យក្មេងរបស់សណ្ឋាគារល្បីមួយនៅប្រទេសថៃ Renaissance Bangkok Ratchaprasong Hotel។

ប្រវត្តិនៃការសិក្សារបស់លោក ក៏មិនធម្មតាដែរ គឺ Patrickបានសិក្សានៅ International School of Bangkok (ISB) មុនហោះទៅសិក្សានៅសាកលវិទ្យាល័យ Penn State University នៅសហរដ្ឋអាមេរិក។ បច្ចុប្បន្នលោក ក៏កំពុងហ្វឹកហាត់ និងទទួលការអប់រំបន្ថែមក្នុងនាមជាអ្នកស្នងតំណែងគ្រប់គ្រងសណ្ឋាគារ Renaissance Bangkok Ratchaprasong Hotel៕