ហួសចិត្តឃើញជីវិតពិត ហេង ប៊ុនលាភ ក្រោយស្ងាត់ពីសិល្បៈ

2018-10-01 03:00:23
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងរូបស្រស់សង្ហា ហេង ប៊ុនលាភ បានធ្វើឲ្យមជ្ឈដ្ឋានទូទៅដែលស្រឡាញ់គាំទ្ររូបលោកកន្លងមកមានការហួសចិត្តយ៉ាងខ្លាំង។ បន្ទាប់ពីឃើញលោក បង្ហាញសកម្មភាពសាមញ្ញបំផុតនៅតាមជនបទស្រុកស្រែចម្ការយ៉ាងសប្បាយរីករាយ។

សកម្មភាពដ៏សាមញ្ញមួយនេះត្រូវបានបុរសម្នាក់សុំមិនបញ្ចេញឈ្មោះបានលើកឡើងថា ខ្លួនសុំសរសើរ ហេង ប៊ុនលាភ ទោះបីជាធ្លាប់មានឈ្មោះជាតារាល្បីតែលោក មិនចេះប្រកាន់ខ្លួនឡើយ។ ពិសេសទំនាក់ទំនងជាមួយពុកម៉ែបងប្អូនដែលរស់នៅជនបទដាច់ស្រយាល។

បុរសដដែលបន្តថា៖" បងគិតមើលគាត់ធ្លាប់ជាតារាតារាសម្ដែងមានកេរ្តិ៍ឈ្មោះបោះសំឡេង មិនគួរណាគាត់ដើរកាត់ព្រៃ កាត់ភក់ដូច្នេះសោះ។ បើគិតជីវិតគាត់ពេលនេះក៏ឡូយឆាយមានវីឡា ស្កឹមស្កៃ និងរថយន្តទំនើបជិះ តែគាត់ដូចអត់ខ្វល់មកធ្វើជីវិតសាមញ្ញបំផុត"។

ជុំវិញការលើកឡើងខាងលើកន្លងមក ហេង ប៊ុនលាភ ឲ្យដឹងថា មូលហេតុលោក ឧស្សាហ៍ចុះទៅតាមខេត្តកាត់ព្រៃភក់ជួបពុកម៉ែបងប្អូននៅតាមជនបទស្រុកស្រែចម្ការ គឺទៅមើលថែដីចម្ការដែលដាំដំណាំបន្តិចបន្តួចមិនមានអ្វីលើសពីហ្នឹងនោះទេ។ បើនិយាយពីរឿងសិល្បៈវិញមួយរយៈនេះមិនមានផលិតករណាទាក់ទងឲ្យលោកថតរឿងឡើយ។

“ការថតរឿងវិញអត់មានផលិតកម្មណាទាក់ទងឲ្យថតផង។ ប្រហែលជាខ្ញុំចាស់ហើយមើលទៅទើបគេអត់ហៅ។ ចំពោះខ្ញុំទោះបីពួកគាត់អត់ហៅថតក៏មិនអីដែរ ព្រោះខ្ញុំមានការងារច្រើនដែលត្រូវធ្វើ"។ ហេង ប៊ុនលាភ រៀបរាប់៕