ទម្លាយរឿងពិត មាស សាលី បង្ហាញមុខកូនតែមិនឃើញមុខប្រពន្ធ

2018-10-02 07:02:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ មាស សាលី បានបង្ហោះរូបថតជាមួយក្មេងប្រុសម្នាក់ក្នុងថ្ងៃខួបកំណើតអមជាមួយពាក្យពេចន៍ជូនពរថា៖" រីករាយថ្ងៃខួបកំណើតកូនប្រុសសម្លាញ់" ។ ភ្លាមៗនោះក៏មានអ្នកគាំទ្របានចូលទៅ Comment លើកជាសំនួរថា តើម្ដាយក្មេងប្រុសនៅឯណា? ហើយបងរៀបការតាំងពីពេលណាមក?

ជុំវិញការលើកឡើងខាងលើបើតាម មិត្តភ័ក្ដិស្និទ្ធស្នាលជាមួយ មាស សាលី សុំមិនបញ្ចេញឈ្មោះឲ្យដឹងថា តាមពិតទៅក្មេងប្រុសម្នាក់ដែលម្ចាស់បទ "អង្គរក្សបេះដូង" បង្ហោះហៅថាកូនសម្លាញ់ពេញៗមាត់មិនមែនជាកូនទេ។ តែជាក្មួយព្រោះក្មេងប្រុសម្នាក់ហ្នឹងត្រូវជាកូនពួកម៉ាក់ មាស សាលី។

ប្រភពដដែលអះអាងថា៖“ខ្ញុំមានអារម្មណ៍ថាអស់សំណើចនៅពេលគេសួរគាត់ថា តើម្ដាយក្មេងហ្នឹងនៅណា? រៀបការតាំងពីពេលណា? ហើយឲ្យ មាស សាលី គាត់ឆ្លើយតបយ៉ាងម៉េចបើក្មេងប្រុសហ្នឹងមិនមែនជាកូនគាត់ផង។ បើគាត់រៀបការ ឬ មានកូនគ្មានរឿងអ្វីត្រូវលាក់ទស្សនិកជនទេបង"។

មាស សាលី និងក្មេងប្រុសដែលលោក ហៅថាកូនពេញៗមាត់

ជាមួយគ្នានេះដែរ មាស សាលី ជាភាគីដែលពាក់ព័ន្ធជុំវិញករណីបង្ហាញមុខកូនប្រុស មិនឃើញប្រពន្ធឲ្យដឹងថា ក្មេងប្រុសម្នាក់ហ្នឹងមិនមែនជាកូនរបស់លោកទេ តែជាកូនមិត្តសម្លាញ់ ហើយខ្លួនក៏គ្មានប្រពន្ធអីដែរពេលនេះគឺនៅលីវ។ តែប្រសិនបើថ្ងៃណាមួយលោក រៀបការមានគ្រួសារមែននោះ នឹងប្រកាសជាសាធារណៈឲ្យហ្វេនៗបានដឹងជាក់ជាពុំខាន។

គួររម្លឹកថានេះមិនមែនជាលើកទី១ទេដែល មាស សាលី បង្ហោះរូបក្មេងហើយហៅថាកូននោះ។ កាលពីឆ្នាំមុនតារាចម្រៀងសាន់ដេរូបនេះក៏បានធ្វើឲ្យមហាជនមានការភ្ញាក់ផ្អើលដែរ ក្រោយពីលោកបង្ហោះរូបក្មួយហើយហៅថា កូនត្រូវបានសារព័ត៌មានចុះផ្សាយស្ទើរតែគ្រប់ទំព័រ៕