អូន ម៉ី រៀបចំផែនការសម្រាប់គូស្នេហ៍វ័យក្មេងខំស្កាត់ពីឥណ្ឌា មកលេងស្រុកនាឱកាសភ្ជុំបិណ្ឌ

2018-10-06 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារជាប់រវល់ការសិក្សានៅប្រទេសឥណ្ឌា គូស្នេហ៍វ័យក្មេងរបស់តារាសម្ដែង អូនម៉ី មានឱកាសមកលេងសង្សារបណ្ដូលចិត្ត យូរៗម្ដងប៉ុណ្ណោះ។ ដោយសារតែបែបនេះហើយ ស្រីស្អាតសាច់សខ្ចី ប្រាប់ថា បានរៀបផែនការ ទុកសម្រាប់ជាអនុស្សាវរីយ៍ជាមួយគូស្នេហ៍របស់ខ្លួន ពេលមកលេងស្រុកខ្មែរ។

ម្ចាស់ចិត្តអូន ម៉ី ទើបបានមកលេងស្រុកខ្មែរនៅពេលថ្មីៗនេះ ហើយចុងខែតុលា ទើបត្រលប់ទៅបន្តការសិក្សាវិញ។ ចំពោះតារាស្រីមានជំនួញច្រើន បង្ហើបថាខ្លួនមានគម្រោងទៅវត្តជាមួយគ្នាក្នុងឱកាសបុណ្យភ្ជុំបិណ្ឌនេះ។ លើសពីនេះ តួឯកក្នុងរឿង "មរតកបេះដូង" ចង់មានដំណើរទេសចរណ៍តាមខេត្ត ថតរូបឲ្យ Sweet Sweet នៅខេត្តសៀមរាប។ ដើរលេងនេះ អូន ម៉ី ទំនងជាទៅ ៣ថ្ងៃ នៅថ្ងៃទី ២៧ ២៨ និង ២៩ ខែតុលាខាងមុខ ដោយរួមដំណើរជាមួយមិត្តភ័ក្កិស្និទ្ធស្នាលច្រើននាក់។

កន្លងមក អូន ម៉ី និងកំលោះសង្ហាជាសង្សារ ធ្លាប់បានរួមដំណើរគ្នា ទៅលេងតាមខេត្តជិតឆ្ងាយក្នុងស្រុកជាច្រើន ព្រមទាំងទៅទេសចរណ៍នៅបរទេសថែមទៀត។

បើនិយាយពីចំណងស្នេហារបស់អ្នកទាំងពីរវិញ តារាស្រីនិយមស្លៀកពាក់បញ្ចេញដើមទ្រូង និយាយថា ចំណងស្នេហ៍របស់ពួកគេ ពិតជារលូនល្អណាស់ និងចេះយល់ចិត្តគ្នាបានល្អ ទោះម្នាក់ៗនៅឆ្ងាយឆ្លងប្រទេសក៏ដោយ។ ចំពោះគម្រោងភ្ជាប់ពាក្យ តារាអាយុ២០ឆ្នាំរូបនេះ មិនទាន់គិតគូរទេ រង់ចាំពេលវេលាបន្តិចទៀតសិន ៕