ស្ដែងហួស ស្អែកដល់គម្រប់ ១០០ថ្ងៃ ឌីជេ អាលីយ៉ា លេងមករកមិត្តភ័ក្ដិទាំងថ្ងៃតែម្ដង

2018-10-04 13:28:09
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមមិត្តភ័ក្ដិជិតស្និទ្ធរបស់សព ឌីជេ អាលីយ៉ា បានឲ្យដឹងថា តារាស្រីរូបនេះ បានមករកនាងទាំងថ្ងៃ នៅរសៀលថ្ងៃនេះ ខណៈខួបគម្រប់១០០ថ្ងៃរបស់នាង នឹងត្រូវមកដល់នាថ្ងៃស្អែកនេះហើយ។

កញ្ញា ស៊ូ ដាណេ សិល្បករផ្នែកសិល្បៈបុរាណ និងជាមិត្តភ័ក្ដិជិតស្និទ្ធរបស់សព ឌីជេ អាលីយ៉ា បានប្រាប់ថា មិត្តរបស់ខ្លួន ខ្លាចខ្លួនមិនយកចង្ហាន់ទៅវត្តស្អែកនេះ ទើបថ្ងៃនេះមកប្រាប់ សូម្បីតែនៅវេលាថ្ងៃចែសនោះ។

“ថ្ងៃមិញម៉ោងខ្ទង់៣ហ្នឹង ខ្ញុំទើបតែគេងបានប្រហែល ១០នាទី ខ្ញុំឃើញគាត់មកលេង តែម្ដង គាត់និយាយថា យឺស អត់មានទៅមើលអញផងអ្ហេ...ឃើញតែប៉ុណ្ណឹង...ឃើញគាត់មកតែប៉ុណ្ណឹង ព្រោះស្អែកនេះ ១០០ថ្ងៃគាត់!”។

សិល្បករបុរាណពហុជំនាញប្រាប់ថា តាមពិតនាងដឹងជាមុនរួចហើយ ថាស្អែកនេះជាខួបគម្រប់ ១០០ថ្ងៃរបស់ អាលីយ៉ា ហើយក៏ត្រៀមខ្លួនទៅដែរ ប៉ុន្តែទំនងសពខ្លាចមិត្តភ័ក្ដិមិនបានទៅ ទើបមកប្រាប់ដូច្នេះ។" ស្អែកចាំអញទៅជួបនៅវត្តទួលអោយគ្រប់ ១០០ថ្ងៃ អញដឹងតែទៅហើយមិនបាច់ខំស្កាត់មកប្រាប់ទាំងកណ្តាលថ្ងៃទេ គ្រាន់តែដេកបាន១០នាទីសោះយី !!! “ ដាណេ សរសេរលើបណ្ដាញសង្គមរបស់នាង។

ស៊ូ ដាណេ និងអាលីយ៉ា កាលនៅរស់(រូបថត៖ ហ្វេសប៊ុក ដាណេ

ឌីជេ អាលីយ៉ា បានទទួលមរណភាព កាលពីថ្ងៃទី២៨ ខែមិថុនា ២០១៨នេះ នៅមន្ទីរពេទ្យកាល់ម៉ែត្រ ដោយជំងឺសួតរ៉ាំរ៉ៃ ។ ក្នុងវ័យ៣០ឆ្នាំ សិល្បការិនីរូបនេះ បានចាកចេញទៅ ក្នុងសភាពតែលតោលបំផុត គ្មានសាច់ញាតិណាម្នាក់នៅក្បែរជូនដំណើរជីវិតចុងក្រោយឡើយ៕

អត្ថបទ៖ ទារិកា