ក្រោយបង្កឲ្យសារព័ត៌មានច្រួលច្របល់ ពេលនេះ Kwan ចេញមុខទម្លាយពីស្នេហ៍ថ្មីជាស្ថាពរ
- 2018-10-05 03:58:48
- ចំនួនមតិ 0 | ចំនួនចែករំលែក 0
ក្រោយបង្កឲ្យសារព័ត៌មានច្រួលច្របល់ ពេលនេះ Kwan ចេញមុខទម្លាយពីស្នេហ៍ថ្មីជាស្ថាពរ
ចន្លោះមិនឃើញ
បន្ទាប់ពីគ្រាំគ្រាបេះដូងអស់មួយរយៈ និងរងនូវព័ត៌មានអាស្រូវស្នេហាដូចព្យុះភ្លៀង ពេលនេះ Kwan Usamanee រកបានស្នេហ៍ថ្មីហើយ ព្រមទាំងបានបង្ហោះរូបភាព ក៏ដូចជាទម្លាយរឿងពិតពីទំនាក់ទំនងស្នេហានេះទៀតផង។
និយាយប្រាប់ក្នុងបទសម្ភាសជាលើកដំបូង Kwan បានបង្ហើបថា៖ "ក្នុងរូបភាពនោះ ខ្ញុំឲ្យចំណីសត្វផ្សោតជាមួយគាត់ ព្រោះខ្ញុំស្រឡាញ់សត្វ។ ខ្ញុំក៏ស្រឡាញ់អ្នកគ្រប់គ្នាដែរ”។
និយាយចូលដល់រឿងស្នេហា នាងផ្ដើមថា៖ "ខ្ញុំស្គាល់គាត់ (សង្សារថ្មី) តាមរយៈការងារ ប៉ុន្តែខ្ញុំសុំមិនបង្ហើបថាវាមានរយៈពេលយូរប៉ុនណា ឬស្គាល់តាំងពីពេលណាមកនោះទេ។ រីឯមូលហេតុដែល ខ្ញុំស្រឡាញ់គាត់នោះ ក៏ដោយសារ គ្រប់នារីៗសុទ្ធតែចង់បានមនុស្សម្នាក់មើលថែ។ គាត់យកចិត្តទុកដាក់ មើលថែខ្ញុំបានល្អណាស់ និងតែងផ្ដល់ក្ដីសុខឲ្យខ្ញុំគ្រប់ពេល"។
Kwan បន្ថែមថា៖ "ម្ដាយរបស់ខ្ញុំ ក៏ស្រឡាញ់ពេញចិត្តគាត់ដែរ ព្រោះគាត់តែងធ្វើល្អដាក់ខ្ញុំ។ ខ្ញុំក៏សង្ឃឹម គាត់នឹងធ្វើល្អបែបនេះចំពោះខ្ញុំជារៀងរហូតតទៅ”។
អ្នកគាំទ្រក៏រំភើបនឹងក្ដីសុខដែល Kwan ទទួលបាននាពេលនេះដែរ ព្រមទាំងនាំគ្នាជូនពរឲ្យស្នេហារបស់ Kwan មានជីវិតយូរអង្វែងតទៅ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
