ល្បីខ្លាំងមួយប្រ៉ាវ! Bella ឡើងកូដ បានតំណែងជាអ្នកតំណាងផលិតផលថ្មី ម្ដង ៣ ប្រទេស

2018-10-12 10:56:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនទូរសព្ទ Huawei បានប្រកាសតែងតាំងតារាថៃ Bella Ranne ជាតំណាងប្រចាំ ៣ ប្រទេស គឺកម្ពុជា ថៃ និងឡាវ ក្រោយទទួលបានប្រជាប្រិយភាព និងសន្ទុះនៃការគាំទ្រកាន់តែខ្លាំង បន្ទាប់ពីបានសម្ដែងជាតួឯកស្រីក្នុងរឿង «បុពេ្វសន្និវាស» ដែលរឿងល្បីប្រចាំឆ្នាំ។ កំពូលតារាស្រីរូបនេះនឹងក្លាយជាអ្នកតំណាង SmartPhone ម៉ា កHuawei Nova 3 និង Nova 3i។

ជាមួយតំណែងថ្មីនេះ Bella នឹងមានសកម្មភាពរីករាយជាច្រើនជាមួយអ្នកគាំទ្រនៅកម្ពុជា ដោយមានកម្មវិធីរំភើប និងភ្ញាក់ផ្អើលកើតឡើងបន្តបន្ទាប់នាពេលឆាប់ៗ។

លោក អែម យុទ្ធូ នាយកជាន់ខ្ពស់ផ្នែកទីផ្សាររបស់ក្រុមហ៊ុន Huawei ប្រចាំនៅកម្ពុជា បានលើកឡើងថា៖ «ការជ្រើសរើសអ្នកតំណាងថ្មីនេះ គឺជាយុទ្ធសាស្ត្រទីផ្សារក្នុងតំបន់ ដែលយើងចង់ផ្សារភ្ជាប់ទំនាក់ទំនងជាមួយទីផ្សារគោលដៅឲ្យកាន់តែជិតស្និទ្ធ ជាពិសេសជាមួយយុវវ័យ។ មិនតែប៉ុណ្ណោះនៅប្រទេស កម្ពុជា ថៃ និងឡាវ Bella ទទួលបានប្រជាប្រិយភាព និងមានសន្ទុះនៃការគាំទ្រខ្លាំង ដែលអាចជួយជំរុញឲ្យម៉ាកផលិតផលរបស់យើងកាន់តែមានភាពល្បីល្បាញក្នុងតំបន់។ ក្រុមហ៊ុននឹងពិនិត្យលទ្ធភាពដើម្បីរៀបចំអញ្ជើញ Bella (បេឡា) ដើម្បីចូលរួមកម្មវិធី Bella NOVA Tour Concert ឬ Bella NOVA Fans តាមពេលតាមវេលាសមស្របឆាប់ៗនេះ ឬកម្មវិធីណាមួយដែលសមស្របនាពេលអនាគត ដើម្បីបំពេញតម្រូវចិត្តយុវវ័យ»។

ទូរសព្ទ Huawei Nova 3 និង 3i នឹងធ្វើឲ្យអតិថិជនរាល់គ្នាពេញចិត្ត ទាំងតម្លៃ គុណភាព និងរូបរាង ដែលមានតួកញ្ចក់ចែងចាំងដូចគ្រាប់ពេជ្រ បំពាក់កាមេរ៉ា ៤ គ្រាប់ ពណ៌ភ្លឺទាក់ទាញ លម្អដោយគែមកោងអាលុយមីញ៉ូម មាំធន់។ លើសពីនេះទៅទៀតទាំង២ ស៊េរី ខាងលើ នឹងមានជម្រើសពណ៌កាលីព ទាន់សម័យ ២ គឺពណ៌ស និងមាស ដែលនឹងមានលក់ឆាប់ៗនេះ៕