អ្នកគាំទ្រ Real Madrid ១ក្រុម គ្រោងរៀបចំការប្រកួតសប្បុរសធម៌ជាលើកទី៥

2018-10-18 02:25:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកគាំទ្រ Real Madrid នៅកម្ពុជា គ្រោងរៀបចំកម្មវិធីសប្បុរសធម៌ជាលើកទី៥ នាថ្ងៃទី៤ ខែវិច្ឆិកា ឆ្នាំ២០១៨ នៅទីលានវេស្ទើន ដើម្បីប្រមូលថវិកាជួយអ្នកក្រីក្រ ឬក្មេងកំព្រានៅតាមតំបន់ដាច់ស្រយាលជាដើម។

ក្រុមអ្នកគាំទ្រ Real នៅកម្ពុជា

បើតាមអ្នកតំណាងរបស់ក្រុមអ្នកគាំទ្រ Real Madrid ប្រចាំនៅកម្ពុជាម្នាក់បានឲ្យដឹងថា ក្រុមចូលរួមមានចំនួន ៤ ក្រុមដែលគ្រោងចាប់ផ្ដើមប្រកួតចន្លោះពីម៉ោង ២:៣០ នាទីដល់ម៉ោង ១៧:៣០ នាទីល្ងាចថ្ងៃខាងលើ។ ក្រុមចូលរួមទាំងអស់ត្រូវមានកីឡាករចន្លោះពី១៧ ទៅ២៣នាក់ ដើម្បីអាចឆ្លាស់គ្នាលេង។ ជាមួយគ្នានោះក្នុងកីឡាករម្នាក់ត្រូវចំណាយចំនួន ៧ ដុល្លារអាមេរិក ដើម្បីចេញថ្លៃតារាង និងមួយចំនួនតម្កល់ក្នុងមូលនិធិ។

ថវិកាដែលប្រមូលបាន ត្រូវបែងចែកជាច្រើនចំណែក ដើម្បីអាចសម្រួលបានច្រើនគ្រួសារ ដោយមើលទៅលើស្ថានភាពជាក់ស្ដែង។ ឆ្នាំនេះជាលើកទី៥ ហើយក្នុងការរៀបចំព្រឹត្តិការណ៍ខាងលើ ដោយ ៤ លើកកន្លងមកកម្មវិធីនេះមានការចូលរួមយ៉ាងច្រើនកុះករ ហើយថវិកាដែលប្រមូលបានត្រូវបានបែងចែកទៅតាមការគ្រោងទុកទាំងស្រុង៕