ស្មានមិនដល់ តារាថៃល្បីៗទាំងនេះ ស្រឡាញ់ Lisa ផ្កាប់មុខដល់ថ្នាក់ហ្នឹង
- 2018-10-18 06:05:00
- ចំនួនមតិ 0 | ចំនួនចែករំលែក 0
ស្មានមិនដល់ តារាថៃល្បីៗទាំងនេះ ស្រឡាញ់ Lisa ផ្កាប់មុខដល់ថ្នាក់ហ្នឹង
ចន្លោះមិនឃើញ
ប្រជាប្រិយភាពរបស់ BLACKPINK កាន់តែកើនឡើងពីមួយថ្ងៃទៅមួយថ្ងៃ រីឯស្រីស្អាតទាំង ៤ ក៏មានអ្នកគាំទ្រ និងចាប់ចិត្តច្រើនឡើងៗដែរ ជាពិសេសសមាជិកក្មេងជាងគេ Lisa។
បើនិយាយពីកេរ្តិ៍ឈ្មោះរបស់ តារាស្រីវ័យ ២១ឆ្នាំរូបនេះនៅប្រទេសថៃ ពិតជាល្បីសុសសាយបំផុតដោយសារភាពគួរឲ្យស្រឡាញ់ និងសមត្ថភាពច្រៀងរាំរបស់នាង។ មិនត្រឹមតែអ្នកគាំទ្រសាមញ្ញទេ សូម្បីតារាល្បីប្រចាំប្រទេសថៃក៏ជាអ្នកគាំទ្រផ្កាប់មុខរបស់ Lisa ដែរ។ អ្នកទាំងនោះរួមមានដូចតទៅ៖
១. តារាសម្ដែង Bee Namthip
ដោយសារសមត្ថភាព និងចរិតគួរឲ្យស្រឡាញ់របស់ Lisa បានចាប់បានចំណាប់អារម្មណ៍ពីតារាជើងចាស់ Bee Namthip រហូតតារាស្រីរូបនេះទប់ចិត្តមិនបានបង្ហោះ រូប Lisa លើ Instagram Story អមជាមួយពាក្យថា "គួរឲ្យស្រឡាញ់”។
មិនត្រឹមតែប៉ុណ្ណោះ Bee តែងរម្លឹកពី Lisa ជាប់ និងសរសើរថាជាក្មេងស្រីគួរឲ្យស្រឡាញ់ ហើយនាងពិតជាចង់ចេះរាំឲ្យស្ទាត់ចំណាប់ដូច តារាសំណព្វរូបនេះណាស់។
២. តារាសម្ដែង Taew Natapohn
រឿងភាគ "ណាគី” ទាក់បានការចូលចិត្តពីអ្នកគាំទ្រជាច្រើន ហើយក្នុងនោះក៏មាន Lisa ដែរ។ សម្ដែងនូវក្ដីស្រឡាញ់ភាពយន្ត ពិសេសតួស្រីក្នុងរឿង Lisa ក៏បានលើកសរសើរកប់ៗមាត់ផ្ញើរដល់ Taew ព្រមទាំងនិយាយថាចង់ជួបតារាស្រីរូបនេះផ្ទាល់នៅក្រៅទៀត។
ដើម្បីជាការឆ្លើយតប Taew ក៏បានបញ្ជាក់ដែរថា នាងក៏ជាអ្នកគាំទ្រផ្កាប់មុខរបស់ Lisa ដែរ
៣. តារាសម្ដែង Great Sapol Assawamunkong
ដោយសារតែការគាំទ្រពេញបេះដូង ទើបតារាបង្ហាញម៉ូដ និងសម្ដែងប្រុសរាងខ្ពស់សង្ហារូបនេះកាត់កេរ្តិ៍ កាត់ខ្មាសទៅជួប Lisa ក្នុងពិធីជួបជុំអ្នកគាំទ្ររបស់ BLACKPINK។
ពេលនោះដែរ Great ក៏បានក្លាយជាចំណីអារម្មណ៍អ្នកព័ត៌មាននឲ្យនាំគ្នាចុះផ្សាយព្រាត ថែមទាំងមិនស្មានថា លោកហ៊ានស៊ូទ្រាំរង់ចាំជួប Lisa ផ្ទាល់បែបនេះទេ ស្របពេលលោកក៏ជាតារាល្បីម្នាក់ដែរ។
៤. តារាចម្រៀង Jaonaay Jinjett
កូនប្រុសច្បងរបស់កំពូលតារាចម្រៀងលំដាប់ប្រទេស Jetrin Wattanasin បានធ្វើឲ្យអ្នកគាំទ្រភ្ញាក់ជាខ្លាំង បេលបង្ហាញខ្លួននៅមុខគេក្នុងពិធីជួបជុំអ្នកគាំទ្ររបស់ Lisa ក្នុងប្រទេសថៃនាពេលកន្លងមក។
ខំឆ្លៀតមកជួបដល់កន្លែងបែបនេះ ពិតជាអាចបញ្ជាក់បានថា Jaonaay ក៏ជាអ្នកគាំទ្ររបស់ Lisa ដែរ។
៥. តារាសម្ដែង Pon Nawasch
បង្ហើបក្នុងកម្មវិធី "3Zaap" Pon បានទម្លាយថា លោកក៏ជាអ្នកគាំទ្ររបស់ BLACKPINK ដែរ ហើយគ្មានអ្វីចម្លែកទេបើលោកជ្រើសយក Lisa ជាសមាជិកដែលលោកចូលចិត្តជាងគេ ព្រោះក្រៅពីជនជាតិថៃដូចគ្នា នាងក៏ជានារីម្នាក់ដែលគួរឲ្យស្រឡាញ់ដែរ។
៦. តារាសម្ដែង Captain Chonlathorn
តួឯកក្នុងរឿង "Love Sick” រូបនេះក៏ទម្លាយថា លោកជាអ្នកគាំទ្ររបស់ Lisa ដែរ។ ជាទូទៅលោកតែងចុច Like រូប Lisa លើគណនីផ្លូវការរបស់ BLACKPINK ហើយថែមទាំងធ្លាប់រម្លឹកពីឈ្មោះ Lisa លើ Twitter ទៀត។
៧. តារាសម្ដែង Kao Supassara
ប្រសិនប្រិយមិត្តជាអ្នកគាំទ្ររបស់ Kao លើ Instagram ប្រាកដជាដឹងថាតារាស្រីរូបនេស្រឡាញ់ Lisa កម្រិតណាហើយ។ នាងធ្លាប់បង្ហោះវីដេអូមួយឃ្លីប និងសរសេរថា៖ "ចង់ធ្វើជា Lisa ទែធ្វើបានតែប៉ុណ្ណឹង"។
៨. តារាសម្ដែង Pattie Ungsumalynn
ស្រីស្អាតតារាកំពុងពេញល្បីរបស់ថៃរូបនេះ ក៏ជាអ្នកគាំទ្រពេញទំហឹងរបស់ Lisa ដែរ។ មានម្ដង នៅពេលទស្សនាវដ្ដីមួយសួរថា "តើអ្នកណាជាតារា K-Pop ដែលអ្នកស្រឡាញ់ជាងគេ?” Pattie បានឆ្លើយថា នាងចូលចិត្ត Lisa ក្រុម BLACKPINK ជាងគេ ព្រោះនាងគួរឲ្យស្រឡាញ់៕