Mourinho មានការព្រួយបារម្ភអំពីទម្រង់លេងរបស់ Lukaku

2018-10-24 13:03:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការក្លឹប Manchester United លោក Jose Mourinho បានបង្ហាញពីក្ដីព្រួយបារម្ភចំពោះខ្សែប្រយុទ្ធពាក់អាវលេខ៩របស់ខ្លួនកីឡាករ Romelu Lukaku ដែលខកខានទម្លុះសំណាញ់ទីចំនួន ៨ប្រកួតមកហើយ។

ឆ្លើយតបនឹងសំណួររបស់បណ្ដាញសារព័ត៌មាន Mourinho បានបញ្ជាក់ថា៖ " Lukaku ជាខ្សែប្រយុទ្ធដ៏ឆ្នើមមួយដែលចង់ជួយក្លឹបឲ្យអស់ពីសមត្ថភាព ប៉ុន្តែមួយរយៈចុងក្រោយនេះ រូបគេមិនបង្ហាញទម្រង់លេងល្អប៉ុន្មានទេ។ មិនត្រឹមតែរកគ្រាប់បាល់មិនបានទេ សូម្បីតែចលនា ការប៉ះបាល់ ហើយការផ្សារភ្ជាប់ជាមួយក្រុមក៏បាត់បង់ដែរ " ។

Mourinho បន្តទៀតថា៖ " យ៉ាងណាគេ(Lukaku)ជាខ្សែប្រយុទ្ធល្អរបស់យើង យើងត្រូវតែជឿជាក់លើគេ។ Lukaku ជាមនុស្សខំប្រឹងណាស់ ហើយសង្ឃឹមថាថ្ងៃមួយសំណាងរបស់គេមកដល់ ដែលធ្វើឲ្យគេមានភាពជឿជាក់ និងរកគ្រាប់បាល់បាន " ។

នៅក្នុងរដូវកាលនេះ ខ្សែប្រយុទ្ធជម្រើសជាតិបែលហ្សិក Romelu Lukaku បានរកគ្រាប់បាល់បានតែ៤គ្រាប់ប៉ុណ្ណោះក្នុង ១៣ប្រកួត គ្រប់កម្មវិធីរបស់ក្លឹប Manchester United៕

ប្រភព៖ Dailymail ប្រែសម្រួល៖ ហ៊ីម រស្មី