សមដូចគូស្នេហ៍តារាល្បីៗបង្ហាញម៉ូដសម្លៀកបំពាក់ ច្រើនសម័យនៅអ៊ីអន២ម្សិលមិញ

2018-10-29 05:32:46
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងសម្ដែងប្រុសស្រីជាច្រើនរូបបានបង្ហាញម៉ូដសម្លៀកបំពាក់ច្រើនសម័យកាលក្នុងពិធីសម្ពោធខ្សែភាពយន្តភាគរឿង"កូនពស់កេងកង" របស់ទូរទស្សន៍ហង្សមាស ម្សិលមិញនេះនៅ Hang Meas Palace ក្នុងផ្សារទំនើបអ៊ីអន២ សែនសុខ។

ក្នុងកម្មវិធីសម្ពោធខ្សែភាពយន្តភាគនេះដែរលោក ហ្វៃ សំអាង ជាអ្នកដឹកនាំសម្ដែងបានឲ្យដឹងថា សម្លៀកបំពាក់ដែលតារាចម្រៀង និងសម្ដែងប្រុសស្រីច្រើនរូបស្លៀកដើរលើកម្រាលព្រំក្រហមចោមរោមដោយមហាជនឈរមើលយ៉ាងច្រើនកុះករមាន៣សម័យកាល។ ដោយសម័យកាលទាំងនោះមានដូចជា៖ សម័យកាលលង្វែក សម័យកាលឧត្ដុង្គ និងសម័យកាលចតុមុខ។

ទស្សនាវីដេអូនេះហើយ មិនសរសើរមិនបាន៖

ចំពោះមូលហេតុដែលអ្នកដឹកនាំសម្ដែងរូបនេះតម្រូវឲ្យតួអង្គសម្ដែងស្លៀកពាក់ឈុតសម័យកាលទាំង៣ដែលបានរៀបរាប់ខាងលើព្រោះតម្រូវទៅតាមសាច់រឿង។ ម្យ៉ាងទៀតក្នុងគោលបំណងលើកស្ទួយសម្លៀកបំពាក់ប៉ុន្មានសម័យកាលនេះឲ្យកូនខ្មែរបានស្គាល់។

“ពស់កេងកង" ជាខ្សែភាពយន្តភាគបុរាណខ្មែរមានគ្រប់រស់ជាតិដែលបានសម្រិតសម្រាំងនិពន្ធឡើងដោយអ្នកស្រី ប៉ុល ពិសី និងលោក ហ្វៃ សំអាង ផ្ទាល់តែម្ដង។ ពិសេសជាងនេះខ្សែភាពយន្តភាគមួយនេះបានសម្រិតសម្រាំងតារាសម្ដែងល្បីៗប្រុសស្រីជាច្រើនរូបជាមួយប្លង់ថតភ្លឺច្បាស់ត្រជាក់ភ្នែកទៀត។

ខ្សែភាពយន្តភាគបុរាណនេះនឹងដាក់បញ្ចាំងជាផ្លូវការនៅទូរទស្សន៍ហង្សមាស ថ្ងៃច័ន្ទ អង្គារ ពុធ ចាប់ពីថ្ងៃទី ៥ ខែ វិច្ឆិកា ឆ្នាំ២០១៨ នេះទៅ។ ចូលរួមសម្ដែងដោយ ញ៉ែម សុគន្ធ តូតា ឆឹម សក្កដា ឌុច លីដា ព្រមទាំងតារាសម្ដែងស្រីប្រុសជាច្រើនរូបទៀត៕