ចិត្តដូចគ្នាមែន តារាស្រស់ស្អាត៣រូប ចង់កែសម្ផស្សពេលវ័យចាស់

2018-10-31 07:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាប្រុសស្រីជាច្រើនបានងាកមករកសេវាកែសម្ផស្ស ដោយមិនរង់ចាំពេលយូរនោះទេ ដើម្បីឲ្យសម្រស់របស់ខ្លួនកាន់តែស្អាត មានទីផ្សាកាន់តែខ្ពស់។ តែតារាប្រុសស្រី៣ រូប ខាងក្រោម មិនធ្លាប់កែសម្ផស្សម្ដងណាសោះក្នុងឆាកជីវិត ប៉ុន្តែពួកគេមានចិត្តដូចគ្នាមួយត្រង់ថា ចាប់អារម្មណ៍លើការកែសម្ផស្សនៅអាយុច្រើនទៅវិញ។

យុគ ចិន្ដា

ពិធីការីនីចាស់វស្សារូបនេះ បានប្រាប់ថា តាំងពីប្រឡូកសិល្បៈមក មិនធ្លាប់ឆ្លងកាត់ការវះកាត់កែសម្ផស្សម្ដងណានោះទេ។ នៅអាយុ៤២ឆ្នាំនេះ អ្នកម្ដាយកូន១ ព្រលយថា ខ្លួនអាចនឹងចាប់អារម្មណ៍លើការកែសម្ផស្សនៅពេលខ្លួនមានអាយុច្រើន គឺវ័យ៥០ឆ្នាំ ។ ចំណុចដែលត្រូវកែកុននោះ ម្ចាស់ហាង "ស្លឹកឈូក" នឹងវះកាត់ត្របកភ្នែក និងស្បែកមុខ កុំឲ្យយារធ្លាក់។

អែន ឌី

ក្នុងវ័យ ៣៨ឆ្នាំ ម្ចាស់បទ "នឹកបង៥០%” មិនទាន់ចង់គិតគូលើរឿងកែសម្ផស្សនោះទេ ដោយហេតុផល លោកកំពុងពេញចិត្តសម្រស់ផ្ទៃមុខក្នុងពេលបច្ចុប្បន្ន គឺអាចទទួលយកបានហើយ។ ទោះយ៉ាងណា អតីតសមាជិកក្រុមចម្រៀង 4 Strong បង្ហើបថា បើចូលវ័យកាន់តែជ្រេជាងនេះ មានស្បែកយារធ្លាក់ ឬ ភ្នែកជ្រួញជាដើម ទើបលោកចង់កែសម្ផស្ស ។

Jimmy

ពិធីការីនីរាងខ្ពស់ស្រលះ សំដីផ្អែមរូបនេះ ធ្លាប់ធ្វើឲ្យអ្នកគាំទ្រដាក់មន្ទិលម្ដងរួចហើយ ថាសម្រស់របស់តារាមានកំណើតនៅខេត្តប៉ៃលិនរូបនេះ ធ្លាប់ឆ្លងកាត់មុខកាំបិតឬអត់។ យ៉ាងណា ស្រីស្អាតចេះច្រើនភាសារូបនេះ បានឆ្លើយតបដោយស្មោះត្រង់ថា សម្រស់របស់កញ្ញា មិនធ្លាប់ប៉ះមុខកាំបិតឡើយ គឺសម្រស់ពីធម្មជាតិ គ្រាន់កញ្ញា ចេះវិធី Make Up ប៉ុណ្ណោះ។

ថ្វីត្បិតបែបនេះក្ដី តារាមានឈ្មោះពិត ម៉េង ឃុននី ចាប់អារម្មណ៍លើការកែសម្ផស្សខ្លះដែរ ពេលអាយុច្រើន ។ ដោយសារយល់ថា ពេលនោះផ្នែកខ្លះនៃផ្ទៃមុខអាចប្រែប្រួល ដូច្នេះស្រីស្អាតក្ដោបក្ដាប់តម្លៃអចលនទ្រព្យម៉ឺនដុល្លារ ចង់កែកុនខ្លះៗ ដូចជាត្របកភ្នែក ជាដើម ៕

អត្ថបទ៖ លឹម សុនា