ផ្ញើជូនម្ចាស់ Apple Watch! ដាច់ខាតកុំ Update ឡើង watchOS ជំនាន់ថ្មី បើមិនចង់ទឹកភ្នែក
- 2018-10-31 12:47:00
- ចំនួនមតិ 0 | ចំនួនចែករំលែក 0
ផ្ញើជូនម្ចាស់ Apple Watch! ដាច់ខាតកុំ Update ឡើង watchOS ជំនាន់ថ្មី បើមិនចង់ទឹកភ្នែក
ចន្លោះមិនឃើញ
ក្រុមហ៊ុន Apple បានប្រកាសចេញផ្សាយនូវប្រព័ន្ធប្រតិបត្តិ watchOS 5.1 ព្រមគ្នានឹង iOS 12.1 ក្រោយចប់ព្រឹត្តិការណ៍ដាក់បង្ហាញ iPad ឆ្នាំ ២០១៨ កាលពីយប់មិញ។ ប៉ុន្តែសារព្រមានដ៏ធ្ងន់ធ្ងរមួយកំពុងកើតឡើងពេញប្រព័ន្ធអ៊ីនធឺណិត សម្រាប់អតិថិជនដែលកំពុងមានប្រើប្រាស់ Apple Watch។
តាមមតិឆ្លើយឆ្លងបង្ហោះលើ Reddit អ្នកដែលបានដំឡើងទៅជំនាន់ watchOS 5.1 បានជួបបញ្ហាម៉ាស៊ីននាឡិកាគាំងជាប់ត្រឹម Apple Logo ហើយបើយោងតាមដំណោះស្រាយរបស់ Apple ក៏បានព្រមផ្លាស់ប្តូរម៉ាស៊ីនខ្លះសម្រាប់អតិថិជន និងខ្លះទៀតបានត្រឹមជួយជួសជុល ប៉ុន្តែចំណាយពេលយូរ។
អ្នកប្រើប្រាស់ម្នាក់បាននិយាយថា៖ "Apple Watch Series 4 ប្រភេទខ្សែ Silver Stainless Steel របស់ខ្លួនបានគាំងជាប់ត្រឹម Apple Logo អំឡុងពេល Update ហើយពេលទាក់ទងទៅ Apple ពួកគេឲ្យយកទៅជួសជុលនៅ Apple Store ដែលនៅជិតអ្នកបំផុត"។
ម្ចាស់គណនី ProdesseQuamConspici មួយផ្សេងទៀតជួបបញ្ហាដូចគ្នា៖ "Aluminum GPS S4 ក៏រងបញ្ហាតែមួយ ដោយទាក់ទងទៅផ្នែកបម្រើសេវាកម្មរបស់ Apple បានប្រាប់ឲ្យខ្ញុំ Unpair ពីម៉ាស៊ីនទូរសព្ទសិន ហើយព្យាយាម Hard-reboot ប៉ុន្តែខ្ញុំក៏បានយកទៅ Apple Store ប្រចាំតំបន់ ហើយពួកគេបានត្រឹមជួយជួសជុលប៉ុណ្ណោះ ព្រោះមិនមែនជាតំណាងចែកចាយផ្តាច់មុខ ពុំមានសិទ្ធចាត់ចែងលើការផ្លាស់ប្តូរម៉ាស៊ីនថ្មីជូនឡើយ"។
តាមយោបល់របស់អ្នកជំនាញសូមឲ្យអ្នករាល់គ្នាមានការប្រុងប្រយ័ត្ន និងមិនត្រូវ Update ទៅ watchOS 5.1 នោះឡើយ ប្រសិន Download ហើយក៏អាចរក្សាឯកសារនោះទុកសិន រហូតដល់ពេល Apple ចេញមុខដោះស្រាយបញ្ហានេះរួចរាល់ សឹមធ្វើការ Update ជាក្រោយ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: