ដឹងតម្លៃ Mate 20 / 20 Pro មកដល់ខ្មែរផ្លូវការម្សិលមិញហើយ

2018-11-01 10:07:52
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei បានរៀបចំកម្មវិធីសម្ពោធ និងធ្វើតេស្ត Smartphone ត្រកូល Mate20 កាលពីម្សិលមិញ នៅសណ្ឋាគារ Rose Wood ដែលបើកឲ្យកុម្ម៉ង់ទុកដោយមានចំនួនកំណត់ ចាប់ពីថ្ងៃនេះតទៅ នៅហាងដៃគូធំៗដែលមានស្លាកសញ្ញា Huawei ជាមួយតម្លៃ៖

Huawei Mate20 តម្លៃ ៦៦៦ដុល្លារ ថែមជញ្ជីងសុខភាព Huawei Body Fat Scale ស៊ីមកាតលេខ Brown របស់ Smart និងគម្រោង Smart Thom Mong ២៤ សប្ដាហ៍
Mate20 Pro តម្លៃ ៨៨៨ដុល្លារ ថែមកាមេរ៉ា Huawei 360ស៊ីមកាតលេខ Siliver របស់ Smart និងគម្រោង Smart Thom Mong ៥២ សប្ដាហ៍

លោក ឡាង សូលីណា អ្នកជំនាញថតរូបអាជីពល្បីឈ្មោះ ហើយបានចូលរួមជាភ្ញៀវ VIP ក្នុងកម្មវិធីខាងលើ បាននិយាយថា លោកចាប់អារម្មណ៍ពីកាមេរ៉ា Ultra-wide angle របស់ Mate20 Pro ដែលអាចថតប្លង់កាន់តែធំ ទោះបីស្ថិតក្នុងទីតាំងចង្អៀត ព្រមទាំងការថតរូបបែប micro និងបច្ចេកវិទ្យា Master AI ជាដើម។

រីឯលោក ម៉ៅ ស្រេង នាយកប្រចាំប្រទេសរបស់ IDP និង ACE ក៏បានលើកឡើងដែរថា Smartphone នេះឆ្លាតជាង Smartphone ដទៃ ដោយសារល្បឿន និងថាមពលថ្មខ្លាំង ពិសេសបំពាក់បច្ចេកវិទ្យា Reversed Wireless Charge ដែលអាចប្រើដើម្បីសាកថ្មជាមួយទូរសព្ទដទៃបាន។

Huawei Mate 20 / 20 Pro បានប្រកាសកាលពីថ្ងៃទី១៦ តុលា ដោយក្រៅពីបំពាក់បន្ទះឈីបខ្លាំង Kirin 980 ហើយនោះ ក៏មានកម្លាំងថ្មធំ Mate 20 4 000mAh និង Mate 20 Pro 4 200mAh ជាមួយបច្ចេកវិទ្យាសាកថ្មលឿន 40W Super Charge ដែលអាចសាកបាន ៧០% ត្រឹម ៣០នាទី៕