ភ្ញាក់ផ្អើល អ្នកជាប់និទ្ទេសAឆ្នាំនេះទទួលបានកាដូពិសេស បន្សល់តាំងពីសម័យហ្លួងព្រះស្ដេចកន

2018-11-08 06:04:17
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកថ្ងៃទី៨ ខែវិច្ឆិកា ឆ្នាំ ២០១៨ព្រឹកមិញនេះ សិស្សនិទ្ទេសA ចំនួន៤០៨នាក់ បានជួបផ្ទាល់ជាមួយសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

អ្វីដែលពិសេសគួរឲ្យចាប់អារម្មណ៍នេះ សម្ដេច ហ៊ុន សែន បានជូនកាដូជាប្រាក់ស្លឹង បន្សល់ទុកតាំងពីសម័យហ្លួងព្រះស្ដេចកន ម្នាក់ៗ១។ សម្ដេច បានថ្លែងថា ប្រាក់ស្លឹង ជាប្រាក់បោះពុម្ពនៅឆ្នាំ ១៥១៤ ក្រោយហ្លួងព្រះស្ដេចកនឈ្នះស្ដេចស្រីសុគន្ធបទ ដែលបានរើរាជធានីទៅនៅត្បូងឃ្មុំបច្ចុប្បន្ន ហើយប្រាក់ស្លឹងនេះបានបោះពុម្ពនៅទីនោះ (នគរព្រៃក្នុង)។

សម្ដេចតេជោ ហ៊ុន សែន មានប្រសាសន៍បន្តថា៖ «ខ្មែរយើងមិនមែនទើបតែមានប្រាក់ចាយនោះទេ ប្រាក់ស្លឹងនេះ ជាប្រាក់តំណាងមួយ នៃដំណាក់កាលដែលមានប្រទេសជាច្រើនមករកស៊ីនៅប្រទេសកម្ពុជា ដែលយើងទើបទៅយកពីប្រទេសហូឡង់ត្រឡប់មកវិញ។»

ប្រាក់ស្លឹង

ចំពោះមូលហេតុដែលសម្ដេចជូនការដូនេះ ដើម្បីយុវជនទាំងអស់ បានដឹងពីប្រវត្តិសាស្ត្រ ដោយម្នាក់ៗទទួលបានប្រាក់ស្លឹងនេះ ម្នាក់១ ព្រមទាំងថវិកាម្នាក់២លានរៀល iPadតម្លៃ៤៨០ដុល្លារម្នាក់១គ្រឿង និងសៀវភៅក្រមង៉ុយម្នាក់២ក្បាល៕