រៀបការថ្ងៃមុនសោះ អេនជី បានកាដូរថយន្តតម្លៃជាង១សែនដុល្លារ ពីបុរសម្នាក់ក្នុងថ្ងៃខួបកំណើត

2018-11-10 03:39:27
ចំនួនមតិ 0 | ចំនួនចែករំលែក 0

ចន្លោះមិនឃើញ

រៀបការមិនទាន់បាន១ឆ្នាំស្រួលបួលផងតារាចម្រៀងសាន់ដេ អេនជី ទទួលបានកាដូរថយន្តម៉ាក Land Crusiser ស៊េរីឆ្នាំ២០១៦ ១គ្រឿងពីស្វាមីកាលពីម្សិលមិញ ឯតម្លៃវិញជាង ១០ម៉ឺនដុល្លារអាមេរិកឯណោះ។

បើតាមប្រភពសុំមិនបញ្ចេញឈ្មោះដែលស្និទ្ធស្នាលជាមួយ អេនី ឲ្យដឹងថា រថយន្តម៉ាក Land Crusiser ស៊េរីឆ្នាំ២០១៦មួយគ្រឿងស្វាមីទិញឲ្យ អេនជី ក្នុងថ្ងៃខួបកំណើតមានតម្លៃខ្ទង់ ១៤ ម៉ឺនដុល្លារអាមេរិក។ ក្នុងគោលបំណងបញ្ជាក់ពីទំហំដួងចិត្តទៅកាន់ភរិយាជាទីស្រឡាញ់ស្មើជីវិត។

“រៀបការមិនទាន់បានមួយឆ្នាំមែន តែស្វាមី អេជី ស្រឡាញ់ និងហួងហែងប្រពន្ធខ្លាំងណាស់ទើបផ្ដល់ឱកាសឲ្យនាង បញ្ចេញតែសំឡេង មិនឲ្យសម្ដែងក្នុងMV ។ អ៊ីចឹងហើយទើបស្វាមីគាត់ទិញរថយន្តតម្លៃថ្លៃនេះជូនជាកាដូលួងចិត្តតែម្ដងទៅ"។ នេះបើតាមប្រភពខាងលើបន្ថែម។

ចំណែកឯ អេនជី វិញក្រោយពីទទួលបានកាដូរថយន្តតម្លៃរាប់ម៉ឺនដុល្លារពីស្វាមីរួចមកនាង បានបង្ហោះសារនៅលើហ្វេសប៊ុកថា៖" អរគុណប្ដីសម្លាញ់សម្រាប់កាដូខួបកំណើតអូន ថ្ងៃលាភថ្ងៃជ័យ ថ្ងៃលាភចូលច្រើនៗ នៅជាមួយម៉ាក់សូមឲ្យសុខសប្បាយរកស៊ីមានបានខ្លាំងៗ"។

អេនជី រៀបការមានស្វាមីបញ្ចប់ភាពនៅលីវកាលពីថ្ងៃទី ២៨ ខែមេសា ឆ្នាំ ២០១៨ នៅសណ្ឋាគារសុខាត្រើយម្ខាងដោយបានអញ្ជើញភ្ញៀវទាំងក្នុង និងក្រៅសិល្បៈចូលរួមយ៉ាងច្រើនកុះករផងដែរ។ បើគិតមកដល់ពេលនេះមិនទាន់បាន១ឆ្នាំទេ៕