បើកបង្ហាញរូបសម្រស់ប្អូនប្រុសស្រីតារាច្រើនដួង ស្អាតស្រស់មិនចាញ់តួកុន

2018-11-21 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនិកជនប្រាកជាចង់ដឹងហើយថា តើសម្រស់របស់ប្អូនតារាៗ មានមុខមាត់ស្រស់ស្អាតបែបណាទៅ បើបងៗរបស់ពួកគេ សុទ្ធតែស្អាតស្រស់ មិនធម្មតាបែបនេះ។ ថ្ងៃនេះ Sabay សូមបង្ហាញដូចជា៖

ប្អូនស្រីរបស់តារាសម្ដែង ស៊ិន យូប៊ីន

ប្អូនស្រីតារាសម្ដែងរូបនេះមានឈ្មោះ ស្រីដាវ អាយុ១៤ឆ្នាំ ជាកូនទី២ក្នុងចំណោមបងប្អូន៣នាក់។ បច្ចុប្បន្ន កញ្ញាកំពុងតែរៀនថ្នាក់ទី៩ នៅសាលាប៊ែលធី។ បើនិយាយពីរូបសម្ផស្សវិញ ពិតជាស្រស់ស្អាតមិនចាញ់បងស្រីរបស់នាងឡើយ។ ចំពោះសិល្បៈវិញ កញ្ញាមានបំណងចង់ប្រឡូកដូចបងស្រីដែរ។

ប្អូនស្រីរបស់តារាសម្ដែង សុខ សោម៉ាវត្តី

ប្អូនស្រីពៅនាង មានឈ្មោះ សុខ វិសាខា ពេលនេះកំពុងជាប់រវល់ជាមួយការងារសិក្សា ។ ឯរឿងចូលសិល្បៈតាមបងស្រីឬអត់ នៅថ្ងៃខាងមុខមិនទាន់ដឹងច្បាស់ទេ គ្រប់យ៉ាងអាស្រ័យទៅលើពេលវេលាជាអ្នកសម្រេច ព្រោះកញ្ញាចង់ផ្ដោតលើការសិក្សាសិន។

ប្អូនទាំង៣របស់តារាចម្រៀង នី រតនា

ប្អូនទាំងបីរបស់នី រតនា

នី រតនា មានប្អូនប្អូន៥ នាក់ ប្រុស៤ ស្រី១ ដែលលោកជាកូនច្បងគេនៅក្នុងគ្រួសារ ។ ប្អូនទី២របស់ នី រតនា មានឈ្មោះ នី ស៊ីដែត អាយុ ២០ឆ្នាំ ជាជំនួយការរបស់ នី រតនា តែម្ដង។ ចំណែកឯគោលបំណងទៅថ្ងៃអនាគត ប្អូនប្រុសរូបនេះចូលប្រឡូកសិល្បៈដូចបងប្រុសឬអត់នោះ មិនទាន់ប្រាកដនៅឡើយទេ។

ប្អូនប្រុសទី២ ឈ្មោះនី ស៊ីដែត

ចំពោះប្អូនប្រុសទី៣ ដែលជាកូនភ្លោះមានឈ្មោះ នី វ៉ាន់ថេត អាយុ១៨ឆ្នាំ កំពុងតែសិក្សាថ្នាក់ទី១១ នៅវិទ្យាល័យខេត្តកំពង់ធំ ក្រោយបញ្ចប់ការសិក្សាថ្នាក់ទី១២ មិនទាន់ប្រាកដថាចូលសិល្បៈ ដូចបងប្រុសនោះទេ។ បើនិយាយពីកូនប្រុសទី៤ ជាកូនភ្លោះជាមួយ នី វ៉ាន់ថេត មានឈ្មោះ នី វ៉ាន់ថាន់ អាយុ ១៨ឆ្នាំ កំពុងតែសិក្សាថ្នាក់ទី ១១ នៅវិទ្យាល័យ ខេត្តកំពង់ធំ។

ប្អូនប្រុសភ្លោះទី៣ ឈ្មោះ នី វ៉ាន់ថេត

ប្អូនប្រុសភ្លោះទី៤ ឈ្មោះ នី វ៉ាន់ថាន់

ប្អូនស្រីរបស់តារាចម្រៀង អែន ឌី

ប្អូនស្រីពៅ លោក អែន ឌី មានឈ្មោះ លាវ ដួងសូហ្វី អាយុ ២៥ឆ្នាំ មានរូបសម្រស់ស្រស់ស្អាត មិនចាញ់តារានោះទេ។ ចំពោះការសិក្សាវិញ កញ្ញាបានបញ្ចប់ការសិក្សាអនុបណ្ឌិតច្បាប់ និងបានស្បថចូលធ្វើមេធាវីហើយ ក្រោយពីបញ្ចប់ថ្នាក់អនុបណ្ឌិតផ្នែកច្បាប់នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។

ប្អូនប្រុសរបស់តារាសម្ដែង គៀត សុវណ្ណាឡាង

ប្អូនប្រុសរូបសង្ហារបស់កញ្ញា សុវណ្ណាឡាង មានឈ្មោះ គៀត សុវណ្ណឧត្ដម អាយុ ១៨ ជាកូនទី៤ ក្នុងគ្រួសារ មានអាយុ ១៨ឆ្នាំ បច្ចុប្បន្នកំពុងសិក្សា ថ្នាក់ទី១១ ។ ចំពោះគោលបំណងនៅថ្ងៃអនាគត ចូលសិល្បៈទៅតាមបងស្រីដែរ ឬ អត់មិនទាន់ប្រាកដទេ អាស្រ័យទៅលើពេលវេលា។

គៀត សុវណ្ណឧត្ដម

ចំណែកឯប្អូនពៅវិញឈ្មោះ គៀត ឈុន អាយុ ១៧ ឆ្នាំ កំពុងតែសិក្សាថ្នាក់ទី១០ ធ្លាប់ថតរឿងឲ្យអ្នកស្រី ពាន់ ភួង បុប្ផា ក្នុងរឿង "ទឹកចិត្តម្ដាយសម័យថ្មី" បានមួយរឿងក៏ផ្អាក ព្រោះជាប់រវល់រៀនសូត្រ។ ថ្ងៃខាងមុខបើទំនេរពីការសិក្សាប្អូនប្រុសតួឯកស្រីក្នុងរឿង "មន្តស្នេហ៍ក្រមុំបាយឆា" នឹងចូលប្រឡូកសិល្បៈបន្តទៀត។

គៀត ឈុន

ប្អូនស្រីរបស់តារាសម្ដែង សិទ្ធី នីកា

ប្អូនស្រីរបស់តារាសម្ដែងមានឈ្មោះថា សិទ្ធី ម៉ានូ មានរូបសម្រស់ស្រស់ស្អាតមិនចាញ់តារាល្បីៗនោះទេ។ ប៉ុន្តែចំពោះសិល្បៈវិញ សិទ្ធី ម៉ានូ គ្មានបំណងចូលប្រឡូកសិល្បៈដូចបងស្រីរបស់នាងនោះទេ ព្រោះនាងគិតលើការសិក្សាជាធំសិន ។