ល្បីមានគូស្នេហ៍ ម្ដងនេះ វ៉ាង ស្រីណូ ទម្លាយខ្ទេចពីអត្តសញ្ញាណម្ចាស់ចិត្ត

2018-12-03 07:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយរូបមួយសន្លឹកធ្លាយចេញ បុរសម្នាក់ និង វ៉ាង ស្រីណូ លើកម្ហូបជូនអ្នកមានគុណ ធ្វើឲ្យគ្រប់គ្នាគិតថា នោះជារូបម្ចាស់ចិត្តរបស់តារាសម្ដែងស្រីសិចស៊ីជាក់ជាមិនខាន។

រូបដែលគេល្បីថា បុរសនៅក្បែរស្រី ណូ ជាគូស្នេហ៍

ឆ្លើយតបមន្ទិលនេះ តារាស្រីងាកមកប្រកបជំនួញវិញ ប្រាប់ថា តាមពិតបុរសនោះ ជាបងប្រុសបង្កើតរបស់កញ្ញាប៉ុណ្ណោះ។ ប៉ុន្តែរឿងស្នេហាវិញ ស្រីណូ សារភាពថា ពេលនេះខ្លួនពិតជាមិនទំនេរទេ ព្រោះមានគូហើយ ដោយម្ចាស់ចិត្តជាអ្នកជំនួញនៅប្រទេសអាមេរិក ហើយចាស់ទុំដឹងឮទាំងសងខាងផងដែរ។

ស្រីស្អាតរូបនេះ បន្តថា ទំនាក់ទំនងជាមួយគូស្នេហ៍បានស្គាល់គ្នាអស់ពេលជាង៨ឆ្នាំមកហើយ ដោយស្គាល់គ្នាចៃដន្យ ពេលស្រី ណូ ចេញទៅសម្ដែងលើទឹកដីប្រទេសមហាអំណាចមួយនេះជាមួយសិល្បករ សិល្បការីនីផ្សេងទៀត។ ម្ចាស់ចិត្តរបស់នាងជាកូនកាត់ចិន កើតនិងធំធាត់លើទឹកដីអាមេរិក មានអាយុ ៤២ឆ្នាំ ជាអ្នករកស៊ី ដោយបើកភោជនីយដ្ឋាន សណ្ឋាគារ ជាដើម។

តារាសម្ដែង មុខ V បន្ថែមថា តាមពិត អ្នកទាំងពីរ ធ្លាប់ភ្ជាប់ពាក្យជាមួយគ្នាម្ដងរួចហើយ តែក្រោយមកបែកគ្នាវិញ ក៏ផ្ដាច់ពាក្យទៅ។ មួយរយៈបន្ទាប់មក ស្នេហានេះក៏ផ្សះផ្សាឡើងវិញ ហើយចំណងស្នេហ៍របស់ពួកគេក៏វិលមកជានាគ្នាធម្មតាយ៉ាងផ្អែមល្ហែម។ អំឡុងស្រលាញ់គ្នា ជិត១០ឆ្នាំមកនេះ ស្រីណូ ប្រាប់ថា សំណព្វចិត្តរបស់ខ្លួនជាមនុស្សចិត្តល្អ គោរពនិងឲ្យតម្លៃលើសាច់ញាតិរបស់កញ្ញាណាស់ និងថែមទាំងជាមនុស្សមានសន្តានចិត្តទូលាយ គួរឲ្យស្រលាញ់ទៀតផង។

ថ្វីត្បិតយល់ចិត្តគ្នាបានច្រើន និងស្រលាញ់គ្នាខ្លាំងនៅពេលនេះក៏ដោយ តែចំពោះគម្រោងរៀបការវិញ តារាស្រីរូបនេះ ហាក់មិនទាន់ចង់រៀបការភ្លាមៗនៅពេលនេះទេ ព្រោះចង់បន្តជីវិតបែបនេះ យូរជាងនេះសិន ៕

អត្ថបទ៖ លឹម សុនា