នេះវីដេអូទាំងស្រុង ចាន់ រតនា ផ្ដួលជើងខ្លាំងមិនដែលចាញ់ឥណ្ឌូណេស៊ីយប់មិញ

2018-12-08 03:58:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករប្រដាល់ក្នុងទ្រុង និងគុនខ្មែរ ចាន់ រតនា បានផ្ដល់មេរៀនចាញ់លើកដំបូងកីឡាករជើងខ្លាំងឥណ្ឌូណេស៊ីនៅយប់មិញ ដែលជាការប្រកួតក្នុងទ្រុងក្នុងកម្មវិធីរបស់ One FC ដែលបានប្រព្រឹត្តទៅនៅប្រទេសម៉ាឡេស៊ី។

កីឡាករAbro Fernandes ត្រូវបានគេស្គាល់ថាជាជើងខ្លាំងរបស់ឥណ្ឌូណេស៊ី ដែលមុនមកដល់ការប្រកួតយប់មិញ រូបគេមិនដែលចាញ់ម្ដងណាឡើយសម្រាប់ការប្រកួតចំនួន ៨ដងកន្លងមក។ ដូច្នេះហើយដើម្បីរក្សាកំណត់ត្រាល្អរបស់គេ Abro បានវាយសម្រុកលើកីឡាករកម្ពុជា តាំងពីដើមទឹកទី១ ក្នុងបំណងផ្ដួលឲ្យខាងតែបាន។ ផ្អែកលើកម្លាំងមហិមា ស្នៀតសម្លាប់របស់គេ គឺជើងក្រោម ដោយគេព្យាយាមចូលចាប់បោក និងរឹតកក្លេម្ដងជាពីរដង។

យ៉ាងណា ចាន់ រតនា ជាជើងខ្លាំងគុនខ្មែរមួយរូប និងត្បិតតែធ្លាប់បរាជ័យ៣ដងក្នុងប្រវត្តិប្រកួត ៨ដងក្នុង MMAនោះ មិនមែនជាសាច់ជ្រូកលើជ្រុញឡើយ ពោលគឺ កីឡាករកម្ពុជាអាចទប់ទល់ និងរំដោះខ្លួនរួចពីការវាយសង្គ្រប់របស់កីឡាករឥណ្ឌូណេស៊ី។ ផ្ទុយទៅវិញ រតនា បានប្រើក្បាច់សម្លាប់របស់គុនខ្មែរ ទាត់ និងម៉ាត់ សន្ធាប់ទៅវិញ។ ជាលទ្ធផល គូប្រកួតអស់លទ្ធភាពតបត ត្រូវអាជ្ញាកណ្ដាលបញ្ឈប់ត្រឹមទឹកទី២ ប៉ុណ្ណោះ។

តោះ...ទស្សនាទាំងអស់គ្នា!