ស្លាក​លេខ​រថយន្ត​ប្រចាំ​ត្រកូល​ប្រើ​ត​កូន-ចៅ ក្រសួង​នឹង​ដាក់​លក់​ឆាប់ៗ​នេះ

  • 2018-12-13 09:45:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

លោក​ទេស​រដ្ឋមន្រ្តី រដ្ឋមន្រ្តី ស៊ុន ចាន់​ថុល បាន​ឲ្យ​ដឹង​​ថា នៅ​ខែ​មករា ឆ្នាំ​២០១៩ ខាង​មុខ​នេះ នឹង​ដាក់​ឲ្យ​ដំណើរ​ការ​លក់ "ស្លាក​លេខ​រថយន្ដ​ប្រចាំ​ត្រកូល" ឬ​ហៅ​ថា "លេខ​ពិសេស" ដោយ​ប្រជាពលរដ្ឋ អាច​បញ្ជា​ទិញ ជា​អក្សរ​ក៏​បាន​ដែរ។ នេះ​បើ​តាម​ប្រភព​ក្រសួង​សាធារណការ​និង​ដឹក​ជញ្ជូន។

រូបតំណាង

លោក​មាន​ប្រសាសន៍​ថា “ខ្ញុំ​សង្ឃឹម​ថា នៅ​ខែ​មករា យើង​អាច​ដំណើរការ​បាន។ ម្យ៉ាង​ទៀត​លេខ​ពិសេស​នេះ អាច​ដាក់​លេខ​១ លេខ​២ លេខ​៣ ឬ​ជា​អក្សរ​ក៏​បាន​ដែរ ហើយ​លុយ​នឹង​ចូល​រដ្ឋ ហើយ​លេខ​នេះ​អាច​ទុក​ឲ្យ​កូន​ឲ្យ​ចៅ​បាន​ទៀត”។

លោក​បន្ថែម​ថា ការ​ដាក់​ឲ្យ​ដំណើរ​ស្លាក​លេខ​រថយន្ត​នេះ ក្នុង​គោល​បំណង ពេល​ម្ចាស់​រថយន្ត​លក់ ទៅ​ឲ្យ​ទៅ​ឲ្យ​ម្ចាស់​ថ្មី​ នោះ​ម្ចាស់​រថយន្ដ​ចាស់ ក៏​អាច​ទុក​លេខ​ចាស់​ដដែល ដោយ​ម្ចាស់​រថយន្ត​ទិញ​លេខ​ថ្មី​បន្ត​បំពាក់​ថ្មី​វិញ។ លោក​ថា សព្វថ្ងៃ ពលរដ្ឋ​លក់​រថយន្ត លក់​ទាំង​លេខ និង​រថយន្ដ​ទៅ​ឲ្យ​ម្ចាស់​ថ្មី។

ចំណែក​នៅ​បរទេស​វិញ រថយន្ដ​លេខ​ពិសេស​បែប​នេះ មាន​តម្លៃ​រាប់​លាន​ដុល្លារ​ឯណោះ។ ការ​ធ្វើ​ដូច្នេះ ក៏​ដើម្បី​ជា​ការ​ងាយស្រួល​ដើម្បី​ឲ្យ​ក្រសួង​កំពុង​ពិនិត្យ​តម្លៃ​រថយន្ត​នីមួយៗ​ផង​ដែរ៕

អត្ថបទ៖ រក្សា