App ទូរសព្ទថតផ្លូវសំបុកមាន់ ផ្ញើរទៅក្រសួងចាត់ការភ្លាមៗ ជិតចេញរូបរាងហើយ!

2018-11-01 06:43:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន លើកឡើងថាក្រសួងសាធារណការ បានបង្កើតកម្មវិធីទូរសព្ទ(Application) ដើម្បីឲ្យពលរដ្ឋថតផ្លូវសំបុកមាន់ បញ្ជូនមកក្រសួង ដើម្បីក្រសួងចាត់វិធានការ ជួសជុលជាបន្ទាន់ ហើយក្រសួងសង្ឃឹមថា App នេះនឹងដាក់ឲ្យដំណើរការនាខែធ្នូឆ្នាំ ២០១៨ ខាងមុខ។

លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានលើកឡើងពី App នេះ ក្នុងពិធីដាក់ឲ្យដំណើរការ នូវមជ្ឈមណ្ឌលបណ្ដុះបណ្ដាល បើកបររថយន្តធុនធ្ងន់ នៅថ្ងៃទី៣១ ខែតុលា ឆ្នាំ២០១៨។

លោករដ្ឋមន្ត្រីមានប្រសាសន៍ថា App នេះ មានសារសំខាន់ណាស់ នៅពេលពលរដ្ឋថតបញ្ជូនមកភ្លាម កម្មវិធីនៅក្នុង App នឹងដឹងទីតាំងពិតប្រាកដ តើមានសំបុកមាន់នៅកន្លែងណា? ម៉ោងណាគាត់ថតផ្លូវសំបុកមាន់មកក្រសួង? ដូច្នេះក្រសួងបានព័ត៌មានទាំងនេះ រួចបញ្ជូនទៅតាមមន្ទីរសាធារណការខេត្ត ក្រុង ដើម្បីឲ្យពួកគាត់ចុះទៅពិនិត្យនៅកន្លែងផ្ទាល់ និងជួសជុលផ្លូវសំបុកមាន់ភ្លាមៗ។

ផ្លូវសំបុកមាន់ នៅផ្លូវជាតិលេខ៣ (រូបថតខែកក្កដា ឆ្នាំ២០១៨) /រូបថត៖ ក្រសួងសាធារណការ និងដឹកជញ្ជូន

លោក ស៊ុន ចាន់ថុល ថ្លែងបន្ថែមថា នៅក្នុង App នឹងមានរូបថតប្រធានមន្ទីរសាធារណការ គ្រប់ខេត្ត-ក្រុង ដើម្បីឲ្យពលរដ្ឋស្គាល់មុខ។ ដូច្នេះខេត្តណាមានសំបុកមាន់ប៉ុន្មាន ពលរដ្ឋដឹងឭទាំងអស់គ្នាតាមរយៈ App ។ លោកបន្តថា ប្រធានមន្ទីរសាធារណការខេត្ត ក្រុង គឺលាក់មុខលែងបានហើយ៕

ប្រភព៖ Kley Kley ប្រែសម្រួល៖ លាភ.