អ្នកគាំទ្រផ្គូរផ្គង Tang ជាមួយ Aff ហើយនេះជាចម្លើយតបរបស់សាមីខ្លួន

2018-12-18 09:45:20
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់ Tang Saksit បានបើកបង្ហាញជាលើកដំបូង ពីរឿងរ៉ាវមួយចំនួនក្រោយអ្នកគាំទ្រ និងចង់ឲ្យលោកទាក់ទងជាមួយនឹង Aff Taksaorn។

អ្នកគាំទ្រមិនតិចទេនាំគ្នាថ្លែងការយល់ឃើញដូចៗគ្នា ដោយចង់ឲ្យ Aff និង Tang ស្រឡាញ់គ្នា ស្របពេលឃើញពួកគេទាំង ២នាក់ថតរូបជាមួយគ្នា ពេលទៅចូលរួមមង្គលការរបស់ DJ Push និង Jooy Warattaya។

ដោយសារកំណើនអ្នកផ្គូរផ្គងកាន់តែច្រើនទើប សាមីខ្លួនខាងប្រុស បង្ហាញការយល់ឃើញដូចតទៅ៖ "នៅពេលខ្ញុំមានវ័យកាន់តែច្រើន ចំណាប់អារម្មណ៍រឿងស្នេហាក៏ចេះតែកាត់បន្ថយ។ ខ្ញុំមិនដែលគិតរឿងស្នេហាទេ ប៉ុន្តែយ៉ាងណាខ្ញុំអាចមានមិត្តស្រីម្នាក់ និងរួមរស់ជាមួយគ្នា ប៉ុន្តែយ៉ាងណាពេលនេះខ្ញុំមិនដឹងទេ ហើយក៏មិនទាន់ចង់និយាយពីរឿងនេះដែរ។ ខ្ញុំពិតជាសុំទោសផង ប៉ុន្តែខ្ញុំគិតបែបហ្នឹងពេលនេះ ព្រោះថា ខ្ញុំមិនដឹងថាតើមានអ្វីនឹងកើតឡើងនៅថ្ងៃក្រោយ អ៊ីចឹងមានតែតាមហ្នឹង យ៉ាងម៉េច ក៏យ៉ាងហ្នឹងទៅ”។

ពេលនិយាយទាក់ទងដល់ Aff តារាប្រុសរូបនេះបង្ហើបថា៖ "ពេលពួកយើងបាននិយាយជាមួយគ្នា យើងសប្បាយចិត្ត ហើយគ្រប់យ៉ាងគឺរលូន។ ហើយបើរឿងសួរខ្ញុំថា តើខ្ញុំមានអារម្មណ៍ឯកា ឬក៏អត់នោះ? គឺខ្ញុំចង់ប្រាប់ថា ខ្ញុំចាប់ផ្ដើមមានអារម្មណ៍កណ្ដោចកណ្ដែង ចាប់តាំងពីពួកម៉ាកខ្ញុំទាំងអស់គេ រៀបការ មានគ្រួសារផ្ទាល់ខ្លួនអស់”។

គិតមកដល់ឆ្នាំ ២០១៨នេះ Tang មានអាយុ ៥១ឆ្នាំហើយ ប៉ុន្តែលោកនៅតែសង្ហា ហើយប្រជាប្រិយភាពក៏នៅតែមាន មិនសាបសូន្យដែរ។ មួយវិញទៀត បើគិតពីរឿងស្នេហា នៅពេលបច្ចុប្បន្ននេះ លោកមិនទាន់មានទំនាក់ទំនងស្នេហាជាមួយអ្នកណាឡើយ៕

ប្រភព៖ Thai Update ប្រែសម្រួល៖ យី សុធារី