Kwan បានកាដូពិសេសកម្រឃើញពីមុន ពីសង្សារបណ្ដូលចិត្តក្នុងថ្ងៃបុណ្យណូអែល

2018-12-26 03:13:50
ចំនួនមតិ 0 | ចំនួនចែករំលែក 0

ចន្លោះមិនឃើញ

Kwan Usamanee និងគូស្នេហ៍ថ្មីបានចំណាយពេលផ្អែមល្ហែមជាមួយគ្នា ប្រារព្ធពិធីតូចមួយអបអរថ្ងៃបុណ្យណូអែលម្សិលមិញនេះ។

បន្ទាប់ពីបែកគ្នាពី Golf Pechaya អស់មួយរយៈមក តារាសម្ដែង Kwan Usamanee ក៏បានជួបស្នេហ៍ថ្មី គឺបុរសអ្នកមានហាយសូ មានឈ្មោះថា Patrick។ ពួកគេតែងចំណាយពេលជុំគ្នាធ្វើរឿងល្អៗ បង្កើតអនុស្សាវរីយ៍មានន័យ។ តួយ៉ាងដូចថ្ងៃទី ២៥ ខែធ្នូ ដែលត្រូវជាថ្ងៃបុណ្យណូអែល ពួកគេបានចំណាយពេលអបអរជាមួយគ្នាយ៉ាងមានក្ដីសុខ។

ក្នុងនោះ Kwan ក៏បានបង្ហោះរូបភាពគូស្នេហ៍ អង្គុយជិតតុក្កតាផ្កាកុលាបក្រហម តុបតែងជាកាដូលើ Instagram អមជាមួយនឹងឃ្លា "ស្រឡាញ់” ពេញៗមាត់ជូនចំពោះប្រុសកំពូលស្នេហ៍។

តុក្កតាផ្កានេះដែរ ជាអំណោយពិសេសបំផុតដែល Kwan ទទួលបាននៅពេលនេះ ហើយផ្កានេះទៀតសោតអាចរក្សាទុកបានដល់ទៅ ៥ឆ្នាំឯណោះ។ វាតំណាងក្ដីស្នេហ៍ធំធេងមិនអាចកាត់ថ្លៃបាន ដែលគូស្នេហ៍មានឲ្យគ្នា៕