សល់ប៉ុន្មានថ្ងៃទៀតដាច់ឆ្នាំ តារាទាំងនេះហោះទៅក្រៅប្រទេស ទុកCountdown ឲ្យហើយ

2018-12-29 03:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅសល់តែប៉ុន្មានថ្ងៃទៀត ដាច់ឆ្នាំ២០១៨ ចូល២០១៩ ហើយ ។ តារាជាច្រើនបានហៅចេញពីប្រទេសកម្ពុជា ឆ្ពោះទៅកន្លែងកម្សាន្តរបស់ខ្លួនបណ្ដើរៗបាត់ទៅហើយ ដោយថ្ងៃឆ្លងឆ្នាំ ពួកគេ Countdown នៅទីនោះតែម្ដង។ ចង់ដឹងតារាណាខ្លះ ចេញទៅដើរលេងខ្លះៗហើយ តាមដានជាមួយ Sabay ដូចខាងក្រោម៖

ម៉ាក់ សែនសូនីតា

តារាញញឹមស្រស់រូបនេះ សម្រេចជ្រើសយកប្រទេសរុស្សី សម្រាប់ដំណើរកម្សាន្តចុងឆ្នាំរបស់ខ្លួន។ លើសពីនេះ តូតា ក៏ដឹកដៃគូស្នេហ៍របស់ខ្លួនទៅសាងអនុស្សាវរីយ៍ជាមួយ យ៉ាងផ្អែមល្ហែមទៀតផង។ ជាមួយអាកាសធាតុត្រជាក់នៅប្រទេសនេះ តារាសម្តែង ម៉ាក់ សែនសូនីតា មិនងាយត្រជាក់ឡើយ ព្រោះមានម្ចាស់ចិត្តទៅជាមួយ ធ្វើឲ្យជីវិតកាន់តែកក់ក្តៅ។

វ៉ាង ស្រីណូ

ស្រីស្អាតរូបនេះ បានហោះចេញពីប្រទេសកម្ពុជាតាំងពីមុនបុណ្យអូណែល ហើយបន្តដល់ឆ្លងឆ្នាំតែម្ដង សម្រាប់ដំណើរកម្សាន្តនៅប្រទេសអាឡឺម៉ង់។ កញ្ញា វ៉ាង ស្រីណូ ពិតជាសប្បាយរីករាយណាស់ ព្រោះទេសភាពនៅប្រទេសនេះស្រស់ស្អាត ចំពេលធ្លាក់ទឹកកកបែបនេះទៀត កាន់តែធ្វើឲ្យថ្ងៃឆ្លងឆ្នាំរបស់ស្រីណូ ពិសេសតែម្តង។

គង់ ចាន់ស្រីមុំ

មកដល់ស្រុកខ្មែរដើរលេងនៅប្រទេសចិនមិនទាន់បានប៉ុន្មានផង អ្នកម្តាយពូកែលេងខ្លួន រូបនេះ ដឹកដៃកូនស្រីសំណព្វ និងស្វាមីទៅឆ្លងឆ្នាំនៅប្រទេសថៃថែមទៀត ដោយទើបហោះហើរចេញនៅថ្ងៃនេះប៉ុណ្ណោះ។ អ្នកនាង គង់ចាន់ស្រីមុំ ពិតជាពូកែរៀបចំជីវិតរបស់ខ្លួនឲ្យមានន័យណាស់ព្រោះតែងរកអ្វីដែលសប្បាយៗសម្រាប់ក្រុមគ្រួសារ និងខ្លួនឯង។ ដំណើរកម្សាន្តនៅកៀកប្រទេសកម្ពុជាម្តងនេះ ស្រីមុំ ច្បាស់ជាថតរូបផ្តិតយកទេសភាពស្អាតៗជាក់ជាមិនខាន។

ដំណើរកម្សាន្តរបស់គង់ ចាន់ស្រីមុំនៅប្រទេសចិន កាលពីថ្មីៗនេះ