មីងក៏ស្អាត ក្មួយក៏ស្អាត មើលសម្រស់ក្មួយស្រី ចរិយា ពេជ្រ ស្អាតមិនចាញ់តារាតែម្ដង!

2018-12-31 03:39:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ចរិយា ពេជ្រ អតីតស្រីស្អាតលេខ២ក្នុងកម្មវិធី "កញ្ញាឯកប្រ៊ីដស្តុន" រាប់ថាជាស្រីស្អាតមួយរូបក្នុងជួរសិល្បការិនីខ្មែរ ដោយគ្រាន់តែចេញមុខ រយៈពេលខ្លីប៉ុណ្ណោះនាង ទទួលបានការចាប់អារម្មណ៍ខ្លាំង មុនពេលនាងដកខ្លួនទៅរៀបការជាមួយអាណិកជនខ្មែរនៅអូស្ត្រាលីកាលពីឆ្នាំមុន។ ឥឡូវនេះ ស្រាប់តែលេចមុខក្មួយស្រីនាងម្នាក់ ស្រស់ស្អាតមិនចាញ់តារាឡើយ។

នារីវ័យក្មេង ត្រូវបានគេប្រទះឃើញក្នុងកម្មវិធីសម្ពោធផលិតផលសម្រស់មួយពីសប្ដាហ៍មុន ស្របពេលក្រសែភ្នែកភ្ញៀវកិត្តិយសជាច្រើនទាំងសិល្បករ និងសាមញ្ញជន បានបាញ់ផ្ដោតលើនាង។ ក្រោយមកទើបដឹងថា នារីស្រស់ស្អាតរូបនោះ គឺជាក្មួយស្រីបង្កើតរបស់ ចរិយា ពេជ្រ។ តាមការបញ្ជាក់របស់សាច់ញាតិរូបនេះ ក្មួយស្រីនាងមានឈ្មោះ អ៊ន ស្រីលីន មានវ័យ ១៨ឆ្នាំប៉ុណ្ណោះ។

ដោយសារតែស្ថិតនៅវ័យក្មេង និងមានសម្ផស្សស្រស់ស្អាតផង ស្រីលីន ត្រូវបានជ្រើសរើសធ្វើជាអ្នកតំណាង(Brand Embassador) ផលិតផលថែសម្រស់ថ្មីតែម្ដង។

លោក យ៉ែម សំអូន ដែលបានដឹកនាំក្រុមសិល្បកររបស់លោកប្រមាណជាង ៤០នាក់ ទៅចូលរួមផងកម្មវិធីកាលពីចុងសប្ដាហ៍មុននោះផង បានបញ្ចេញទស្សនៈថា តាមខ្សែភ្នែករបស់លោក ស្រីលីន គឺពិតជាក្មេងស្រី ដ៏ស្រស់ស្អាតមែន។ "សំខាន់មួយទៀត ខ្ញុំមិនស្មានថា គាត់គឺជាក្មួយស្រីរបស់តារាសម្ដែង ចរិយា ពេជ្រ និងថែមជា Brand Embassdor របស់យូមិនេះទៀតសោះ!”។ យ៉ែម សំអូន បន្ថែម។

ចរិយា ពេជ្រ និងក្មួយស្រី អ៊ន ស្រីលីន

យោងទៅលើសម្រស់ដ៏ស្រស់សោភា កញ្ញា ស្រីលីន ត្រូវបានគេលើកមកនិយាយទៀតថា បើនាងប្រាថ្នាចូលសិល្បៈ ពិតជាមិនមានអ្វីជាឧបសគ្គឡើយ ក្នុងដំណើរទៅកាន់ភាពល្បីល្បាញក្នុងអាជីពមួយ។ យ៉ាងនេះក្ដី ម្ដាយរបស់ ស្រីលីន បានបញ្ជាក់ថា អ្នកស្រី មិនដែលទទួលសំណើ ឬការសាកសួរណាមួយពីស្រីលីន ក្នុងដំណើរឆ្ពោះទៅកាន់វិថីសិល្បៈនោះទេ។ "ខ្ញុំមិនច្បាស់ទេ ប៉ុន្តែគេមិនដែលលឺនិយាយអីពីរឿងនេះផង"។

យ៉ាងណាក៏ដោយ អ្នកស្រី បញ្ជាក់ទៀតថា មិនមានបញ្ហាអ្វីនោះទេសម្រាប់អ្នកស្រី ប្រសិនបើកូនស្រីស្រស់ស្អាត ចង់ចូលសិល្បៈមែន ប៉ុន្តែអ្វីៗ គឺស្ថិតលើការសម្រេចចិត្តរបស់កូនស្រីផ្ទាល់៕

តោះ...មកមើលសម្រស់ស្រី លីន ទាំងអស់គ្នា!!!