មកដឹងច្បាប់ទាំង ៥ សម្រាប់សែរាជវង្សអង់គ្លេស គួរឲ្យភ្ញាក់ផ្អើលបំផុត

2019-01-08 07:33:31
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្មាននរណាម្នាក់ឈរនៅលើច្បាប់ឡើយ។ ច្បាប់ត្រូវបានអនុវត្តចំពោះមនុស្សគ្រប់រូប សូម្បីតែអ្នកមានអំណាចខ្ពង់ខ្ពស់បំផុតក្នុងសង្គមក្ដី។ ជាក់ស្ដែង គ្រួសាររាជវង្ស ក៏មានច្បាប់ផ្ទាល់ខ្លួន ដែលត្រូវតែអនុវត្តតាមជានិច្ចដែរ។

ខាងក្រោមនេះគឺជាច្បាប់ទាំង៥ សម្រាប់សែរាជវង្ស នៃចក្រភពអង់គ្លេស ដែលសូម្បីតែព្រះមហាក្សត្រិយានី ក៏មិនអាចល្មើសបានដែរ៖

#១ មិនអាចឲ្យជនសាមញ្ញ (មិនជាប់សែរាជវង្ស) ប៉ះបានឡើយ

ជនសាមញ្ញធម្មតា មិនអាចចូលទៅជិត ឬស្និទ្ធស្នាលពេក ជាមួយសែរាជវង្សបានឡើយ។

#២ មិនអាចសោយអាហារសមុទ្រ

សែរាជវង្ស ជាទូទៅមានការប្រុងប្រយ័ត្នខ្ពស់ ចំពោះច្បាប់មួយនេះ ដោយសែរាជវង្សមួយចំនួន រួមទាំងព្រះមហាក្សត្រិយានី ជ្រើសរើសមិនសោយអាហារសមុទ្រឡើយ ដើម្បីជៀសវាងប្រតិកម្ម Allergy ឬពុលអាហារ។

#៣ មិនអាចគ្រងរោមសត្វ

ច្បាប់មួយនេះត្រូវបានប្រកាសដោយ ព្រះមហាក្សត្រនៃប្រទេសអង់គ្លេស Edward III នៅក្នុងសតវត្សទី១២ ដោយហាមឃាត់សែរាជវង្ស មិនឲ្យគ្រងរោមសត្វឡើយ។

#៤ មិនអាចធ្វើដំណើរជាមួយគ្នា

វាគឺជាច្បាប់ទូទៅ សម្រាប់អ្នកទទួលមរតកដោយផ្ទាល់ មិនឲ្យធ្វើដំណើរផ្លូវឆ្ងាយជាមួយគ្នាឡើយ ព្រោះវាអាចបង្កហានិភ័យច្រើន។

#៥ សែរាជវង្សទាំងអស់ មិនអាចបន្តសោយព្រះក្រយាឡើយ ក្រោយព្រះមហាក្សត្រិយានីសោយរួច

សែរាជវង្សទាំងអស់ សោយព្រះក្រយារួមគ្នា ជាមួយព្រះមហាក្សត្រិយានី ប៉ុន្តែត្រូវតែអនុវត្តតាមច្បាប់សាមញ្ញមួយ គឺ ធ្វើតាមអ្វីដែលព្រះមហាក្សត្រិយានីធ្វើ។ ដូច្នេះ ប្រសិនបើព្រះមហាក្សត្រិយានីសោយរួច គ្រប់គ្នាដែលរួមតុជាមួយ ត្រូវតែឈប់ដែរ៕

ចុចអាន៖