ភាពយន្តខ្មែរល្បីៗ មានភាពច្នៃប្រឌិត ដែលប្រិយមិត្តខកខានមិនបានទស្សនាផ្ទាល់នៅក្នុងរោងភាពយន្ត មាននៅលើ App Soyo ដែលជាកម្មវិធីទស្សនាវីដេអូអនឡាញ របស់ខ្មែរ បង្កើតដោយកូនខ្មែរ ដើម្បីជួយដល់ភាពយន្តខ្មែរដូចគ្នា។

ខាងក្រោមនេះ ជាប្រភេទរឿងខ្មែរដែល Soyo បានផលិត និងទិញសិទ្ធផ្សព្វផ្សាយនៅលើ កម្មវិធី Soyo ដោយអ្នកប្រើប្រាស់អាចទស្សនាតាមចិត្តប្រាថ្នា លើទូរសព្ទដៃ ឬលើកំព្យូទ័រ របស់អ្នកដែលមានភ្ជាប់ អ៊ីនធើនេត និងដោយការចំណាយថវិកា Subscribe ប្រចាំខែ។

គួរបញ្ជាក់ថា៖ ភាពយន្តកំពុងត្រៀមចេញផ្សព្វផ្សាយ និងមានអ្នកតាមដានសម្រាប់ខែ មករា ឆ្នាំ ២០១៩ នេះ មានរឿង «គ្រាប់ពេជ្រ» ជារឿងខ្មែរផលិតដោយផលិតកម្ម 802 Production ដឹកនាំរឿងដោយ លោក សុខ វិសាល ដែលជារឿងកុនខ្នាតធំមួយ បែប កំប្លែង ទំនើប ធ្លាប់ល្បីល្បាញកាលពីឆ្នាំ ២០១៤។

រឿងកំពុងចាក់ផ្សាព្វផ្សាយ មានរឿង «សិស្សចំណូលថ្មី» ផលិតដោយ Soyo ដឹកនាំសម្តែងដោយ ផលិតករវ័យក្មេង លោក ដាង កុសល។ ជាពិសេសក៏មានភាពយន្តរឿង ល្បីប្រចាំឆ្នាំរឿង «ធ្មប់» ផលិត និងដឹកនាំសម្តែងដោយលោក ហ៊ុយ យ៉ាឡេង រួមទាំងរឿង «វិកលចរិត» ផលិតក្នុងឆ្នាំ ២០១៦ផងដែរ។

ក្រៅពីភាពយន្តខ្នាតធំ ក៏មានរឿងភាគខ្មែរល្បីៗ រឿងខ្លីផលិតដោយយុវផលិតករវ័យក្មេង និងរឿងជាប់ជ័យលាភីពីមហោស្រពភាពយន្តក្នុងប្រទេសកម្ពុជា ដែលប្រិយមិត្តអាចទស្សនាកម្សាន្តបានផង និងបានរួមចំណែកលើកទឹកចិត្ត និងគាំទ្រស្នាដៃផលិតរបស់កូនខ្មែរផងដែរ៕

អត្ថបទ៖ Sunny