៣ ចំណុចពិសេសៗធ្វើឲ្យទស្សនិកជនពិបាករំលងស្តង់ Sabay

2014-11-17 00:44:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្តង់ Sabay នៅតែបន្តទាក់ទាញចំណាប់អារម្មណ៍ទស្សនិកជនបានច្រើនដដែលក្នុងថ្ងៃទី ៣ នេះ ទោះបីជា ២ ថ្ងៃកន្លងទៅមានប្រិយមិត្តដែលស្រលាញ់ចូលចិត្តបច្ចេកវិទ្យាទំនើបចូលមកទស្សនា និងសាកល្បងសេវាកម្សាន្តអនឡាញនៅស្តង់ Sabay ជាច្រើនរួចរាល់ហើយក្ដី។ តើនៅស្តង់ Sabay មានអ្វីពិសេសខ្លះ បានជាទាក់ទាញចំណាប់អារម្មណ៍ទស្សនិកជន ITET 2014 ខ្លាំងបែបនេះ?

ឆាកឡូយប្លែកគេ

រៀបចំឡើងជាឆាកក្រាលទៅដោយព្រំពណ៌ក្រហម ហ៊ុមព័ទ្ធដោយសំណាញ់បែបសិល្បៈទំនើប ស្តង់ Sabay មើលទៅល្អប្លែកគួរឲ្យចាប់អារម្មណ៍ក្នុងពិព័រណ៍បច្ចេកវិទ្យា អេឡិចត្រូនិក និងទូរគមនាគមន៍អន្តរជាតិ ITET 2014 នេះ។ ក្នុងការដាក់តាំងបង្ហាញសេវាកម្សាន្តអនឡាញរបស់ខ្លួន ស្តង់ Sabay បានទាក់ទាញចិត្តទស្សនិកជន ITET 2014 ឲ្យទាញកាមេរ៉ាមកមកផ្ដិតយករូបភាព ពេលពួកគាត់ដើរកាត់ ខណៈដែលស្តង់ជាដទៃទៀតរៀបចំឡើងស្ទើរតែដូចៗគ្នាក្នុងការតាំង បង្ហាញផលិតផលរបស់ក្រុមហ៊ុនរៀងៗខ្លួន។

ផ្ដល់រង្វាន់ឥតឈប់

តាំងពីនាទីដំបូងរហូតដល់នាទីចុងក្រោយនៃដំណើរការពិព័រណ៍ ITET 2014 ស្តង់ Sabay ផ្ដល់រង្វាន់ជាច្រើនហូរហែដល់ប្រិយមិត្តគ្រប់រូបដែលបានចូលមកទស្សនា និងសាកល្បងនូវសេវាកម្សាន្តរបស់ Sabay ក៏ដូចជាទស្សនិកជនដែលមានភាពក្លាហានក្នុងការឡើងលេងហ្គេមសប្បាយៗកំប្លែងៗនៅលើឆាកផងដែរ។

ការប្រគំតន្ត្រីដោយផ្ទាល់

មិនមែនត្រឹមតែជាស្តង់សម្រាប់តាំងបង្ហាញសេវាកម្សាន្តអនឡាញរបស់ Sabay តែវាក៏ជាឆាកតន្ត្រីសម្រាប់ក្រុមយុវជនវ័យក្មេង Hear My Song ដែលពោរពេញទៅដោយសមត្ថភាពខាងសិល្បៈចម្រៀង តែងតែច្រៀង និងនិពន្ធចម្រៀងដោយខ្លួនឯង ឡើងមកបង្ហើបសំនៀងច្រៀងបំពេអារម្មណ៍ទស្សនិកជន ITET 2014 ផងដែរ។