ក្រោយខេមរៈ ស្រីពៅ លាចាកលោកទៅ តារាល្បីៗ បង្ហោះសារសោកស្ដាយ ទាំងរន្ធត់ចិត្តបំផុត

សុក្រ, 25 មករា 2019 09:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងមរណភាពរបស់តារាចម្រៀង ខេមរៈ ស្រីពៅ បានក្លាយជារឿងដ៏រន្ធត់ចិត្តជាទីបំផុត គ្រប់មជ្ឈដ្ឋាន។ ពិសេសក្នុងរង្វង់សិល្បៈពិតជាមានការសោកស្ដាយជាខ្លាំង ចំពោះការបាត់បង់សិល្បៈការិនីដ៏មានសមត្ថភាពរូបនេះ។ តារាចម្រៀង តារាសម្ដែង ជាច្រើនរូបបានបង្ហោះសារសោកស្ដាយ ជាបន្តបន្ទាប់ចំពោះការបាត់បង់ជីវិតទាំងវ័យក្មេង របស់តារាចម្រៀងខេមរៈ ស្រីពៅ។ ខាងក្រោមនេះសុទ្ធតែតារាល្បីៗ បានបង្ហោះសាររំលែកទុក្ខ ទៅដល់ក្រុមគ្រួសាររបស់តារាចម្រៀងរូបនេះ៖

១. កញ្ញាសុខ ពិសី

តារាល្បីឈ្មោះជួរមុខប្រចាំផលិតកម្មសាន់ដេ កញ្ញាសុខ ពិសី បានសរសេរសារមួយយ៉ាងក្ដុកក្ដួលថា៖ «ពៅអើយបងតក់ស្លុតណាស់ ពេលបានឮដំណឹងដ៏ក្រៀមក្រំនេះ នាងខ្ញុំសូមចូលរួមរំលែកទុក្ខផង»។

២. អ្នកនាង ពេជ្រ សោភា

ចំណែកឯអ្នកនាង ពេជ្រ សោភា វិញក៏មានការរន្ធត់ចិត្តមិនធម្មតាដែរ អ្នកនាងបានសរសេរនៅផេកផ្លូវការរបស់ខ្លួនថា៖ «សូមចូលរួមរំលែកទុក្ខដល់គ្រួសាររបស់ប្អូនស្រីផង សូមប្អូនស្រីទៅឲ្យបានសុខ»។

៣.អ្នកនាង សុខ ស្រីនាង

ចំណែកឯអតីតតារាចម្រៀងក្នុងផលិតកម្មសាន់ដេវិញ បានបញ្ចេញសារមួយទាំងទឹកភ្នែកថា៖ សូមចូលរួមរំលែកទុក្ខដ៏ក្រៀមក្រំដល់ប្អូនស្រីខេមរះ ស្រីពៅ សូមឲ្យប្អូនបានទៅកាន់សគតិភព។ តារាស្រីប្រចាំផលិតហង្សមាសរូបនេះ ថែមទាំងសរសេរពាក្យមួយឃ្លាទៀតថា៖ «ស្រណោះណាស់»

៤. អ្នកនាង ខាត សុឃីម

ចំណែកឯតារាពហុជំនាញអ្នកនាង ខាត់ សុឃីម វិញបានសរសេររៀបរាប់ថា៖សូមចូលរួមមរណ:ទុក្ខតារាចម្រៀង ខេមរ: ស្រីពៅ ដែលត្រូវជាប្អូនស្រីបង្កើតរបស់តារាចម្រៀងខេមរៈ សេរីមន្ត បានលាចាកលោកនេះហើយ នៅសៀលថ្ងៃនេះវេលាម៉ោង១នៅប្រទេសឥណ្ឌា សូមបងប្អូនទាំងអស់គ្នាជួយចែករំលែកជូនសាធារណៈជនឲ្យបានជ្រាបផង សូមបញ្ជាក់ថាកញ្ញាបានឈឺអស់រយៈពេល៤ឆ្នាំមកហើយ។

៥. លោក កែវ វាសនា

តារាប្រុសធ្លាប់រួមទ្រនំជាមួយកញ្ញា ខេមរៈ ស្រីពី ឯណេះវិញហាក់ក្ដុកក្ដួលខ្លាំង ហើយបានបញ្ចេញសារមួយថា៖ «ពិតជាសោកស្តាយណាស់ដែលបានលឺដំណឹងដ៏អាក្រក់មួយនេះ សូមចូលរួមរំលែកទុក្ខដល់ក្រុមគ្រួសារនៃសពផង សូមឲ្យប្អូនស្រីកើតជាតិណាៗកុំឲ្យដូចជាតិនេះទៀត សូមវិញ្ញាណក្ខន្ធប្អូនស្រីទៅបានទៅដល់ឋានសួគ៌ចុះ»។