អបអរសាទរ! មុននេះបន្តិច ណាំ ប៊ុណ្ណារ័ត្ន ទទួលបានកូនស្រីម្នាក់គួរឲ្យស្រលាញ់

2019-01-27 02:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ណាំ ប៊ុណ្ណារ័ត្ន ទើបតែទទួលបានកូនស្រី គួរឲ្យស្រលាញ់នៅថ្ងៃនេះ បន្ទាប់ពីបានរៀបការជាមួយភរិយាយ៉ាងស្រស់ស្អាត និងមានកូនប្រុសម្នាក់។

នៅលើបណ្ដាញសង្គម របស់ម្ចាស់បទ "ម៉ែ" បានសរសេរថា ៖ Good Morning Kon srey pov” ដែលមានន័យថា អរុណសួស្តីកូនស្រីពៅ ដោយទឹកមុខរបស់តារាចម្រៀងរូបនេះ ស្រស់ស្រាយសប្បាយចិត្តឥតឧបមា។ យ៉ាងណា គេនៅមិនទាន់ដឹងថា កូនស្រីសំណព្វរបស់តារារូបនេះ មានឈ្មោះអ្វី និងសម្រាលនៅមន្ទីរពេទ្យណានោះទេ។

ចំពោះជីវិតឯកជន លោក ណាំ ប៊ុណ្ណារ័ត្ន ហាក់មិនសូវបង្ហាញឲ្យទស្សនិកជនបានដឹងច្រើននោះទេព្រោះកន្លងមកមហាជនធ្លាប់ភ្ញាក់ផ្អើលនឹងដំណឹងរៀបការស្ងាត់ៗ និងមានកូនប្រុសគួរឲ្យស្រលាញ់ម្តងរួចហើយ។

លោកបានចាប់ដៃគ្នាជាមួយភរិយា ដើរលើវិថីជីវិតគូប្រមាណ៣ឆ្នាំហើយ ដោយសារលោកមានចរិតស្រលាញ់ភាពស្ងប់ស្ងាត់ ទើបមិនចង់បញ្ចេញព័ត៌មានពីការមានគ្រួសារឲ្យមហាជនដឹងជាសាធារណៈ។

ក្រោយពីចាប់ដៃគ្នាធ្វើជាស្វាមី-ភរិយា ណាំ ប៊ុណ្ណារ័ត្ន ប្រាប់ថា ពួកលោកបានងាកមកប្រកបជំនួញបន្ថែម ដោយបើកហាងលក់ភេសជ្ជយីហោ "ឆបស៍ឆា" ឬ "CHOB CHA” មើលការខុសត្រូវរួមគ្នា។ មូលហេតុនេះហើយ ទើបមួយរយៈចុងក្រោយ លោកកាន់តែរយាលពីការងារសិល្បៈ ៕

អត្ថបទ៖ លឹម សុនា