ល្អអ្វីម្ល៉េះ! គូស្នេហ៍ថតរូបដ៏ល្បីមកផ្ដិតរូបភាព ២កន្លែងនៅកម្ពុជាកាន់តែកៀកពិភពលោក

2019-02-25 04:27:53
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍ចូលចិត្តថតរូបតំបន់ទេសចរណ៍ស្ទើរជុំវិញពិភពលោក ដែលល្បីលើបណ្ដាញសង្គមលើ Instagram មាន follwers (តាមដាន) ដល់ទៅ ៤,៨ លាននាក់ បានមកផ្ដិតយកទិដ្ឋភាពតំបន់ទេសចរណ៍ដ៏វិសេសនៅកម្ពុជា ទាក់ទាញភ្នែកមនុស្សម្នាយ៉ាងច្រើន។ គេឃើញរូបជាច្រើនសន្លឹករបស់អ្នកទាំងពីរបានទៅដល់ទឹកដីអង្គរនៃខេត្តសៀមរាប និង កោះរ៉ុង ដែលជាតំបន់ឆ្នេរខ្សាច់សក្បុសរបស់កម្ពុជាកាលពីកន្លងទៅ។

សង្សារមួយគូនេះ គឺលោក Jack Morris មកពីចក្រភពអង់គ្លេស មានគណនី មានឈ្មោះថា aka @doyoutravel មានអ្នក follow ជាង ២,៨ លាននាក់ និង នាង Lauren Bullen មកពីប្រទេសអូស្ត្រាលី គណនីឈ្មោះ aka gypsea_lust ដែលមាន followers ជាង២លាននាក់។

រាល់ដំណើរកម្សាន្ត និងផ្ដិតយករូបភាពស្អាតៗ កម្រិតអាជីព មានភាពប៉ិនប្រសព្វរបស់ពួកគេ គឺមានចំនួនអ្នកshares យ៉ាងច្រើននៅលើបណ្ដាញសង្គម។ អ្វីដែលពិសេសនោះ នៅពេលឃើញពួកគេទាំង២នាក់នៅក្នុងរូប នោះបានន័យថាពួកគេប្រើជើងកាមេរ៉ា និង កំណត់វិនាទីឲ្យវាថតខ្លួនឯង។

ថតនៅកោះសង្សារ

Dailymail ធ្លាប់បានចុះផ្សាយកាលពីឆ្នាំ២០១៧ ដែលកាលណោះចំនួន followers របស់ bloggers ទាំង២នាក់នេះសរុប ៤,៥ លាននាក់នៅឡើយ ប៉ុន្តែ Morris បង្ហោះរូបម្តងៗ អាចរកចំណូលបានប្រមាណ ៩ ០០០ ដុល្លារ ខណៈដែល Bullen បង្ហោះម្តងបាន ៧ ៥០០ ដុល្លារ។

គួរជម្រាបថា គូស្នេហ៍វ័យក្មេងទាំងពីរនាក់ធ្វើដំណើរជុំវិញពិភពលោកដើម្បីថតរូបផ្សព្វផ្សាយឲ្យយីហោលំដាប់អន្តរជាតិ និង ដើម្បី promote ទីតាំងទេសចរណ៍។ លោក Morris បាននិយាយថា លោកនឹងមិនបង្ហោះរូបឡើយ បើក្រុមហ៊ុនឲ្យក្រោម ៣ ០០០ ដុល្លារក្នុងការបង្ហោះរូប១សន្លឹក។ ការផ្សព្វផ្សាយឲ្យយីហោលំដាប់អន្តរជាតិ bloggers ទាំងនោះ អាចទាមទារកម្រៃខ្ពស់មិននឹកស្មាន។ លោកធ្លាប់បង្ហើបថា ក្រុមហ៊ុនទូរស័ព្ទមួយធ្លាប់ចំណាយ ៣៥ ០០០ ដុល្លារ ឲ្យ Morris សម្រាប់ការថត២ថ្ងៃ និង បង្ហោះរូប ៥ សន្លឹកនៅលើ Instagram ផងដែរ៕