តារា Original ប៉ុន្មានដួងនេះ ធ្វើឲ្យកក្រើកម្ដុំកោះពេជ្រយប់មិញ

2019-03-02 06:29:37
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបានផ្ដល់ភាពរីករាយដល់អតិថិជន Ballantine’s នៅតាម Pub និងភោជនីយដ្ឋានជាច្រើនខែមក ពេលនេះកម្មវិធី Ballantine’s True Music បានធ្វើការប្រគំតន្ត្រីដ៏ធំមួយកាលពីយប់ម្សិលមិញ ខណៈកម្មវិធីទាំងមូលបានអញ្ជើញសុទ្ធសឹងតែក្រុមតារាចម្រៀង Original និងកំពូល DJ រូបស្រស់មកចូលរួម ដែលមានដូចជា៖

កញ្ញា ឡូរ៉ា ម៉ម
ក្រុមក្មេងខ្មែរ
លោកអូន
ក្រុមតារាចម្រៀងវ័យក្មេងរាងសង្ហា Mustache Band
DJ រូបស្រស់រាងតូចច្រឡឹងកញ្ញា Maily
និងពិធីការិនីកញ្ញា សុភក្ត្រ័ កុសុម៉ា

អ្នកនាង ស៊ូ កណិកា ប្រធានផ្នែកលក់ Pernod Ricard (Cambodge) ដែលជាក្រុមហ៊ុននាំចូល និងចែកចាយផ្ដាច់មុខស្រា Ballantine’s ប្រចាំកម្ពុជា បានឲ្យដឹងថា សម្រាប់ព្រឹត្តិការណ៍ប្រគំតន្ត្រី Ballantine’s True Music នេះ បានទទួលការគាំទ្រយ៉ាងច្រើនពីសំណាក់អ្នកគាំទ្រ ពិសេសក្រុមយុវវ័យខ្មែរដែលនិយមចូលស្ដាប់បទចម្រៀង Original និងចង់ភ្លក់រសជាតិស្រាវីស្គីរបស់ប្រទេសស្កុតឡែន។

អ្វីដែលកាន់តែពិសេស ក្នុងកម្មវិធីដែលធ្វើនៅក្នុងមជ្ឈមណ្ឌលហាត់ប្រាណ Prokout Fitness & Fight Center នេះ កញ្ញា ឡូរ៉ា ម៉ម និងលោកអូនក៏បានសម្ពោធបទថ្មីក្រោមចំណងជើងថា Coming Home ក្រោយចេញ Teaser កាលពីពេលកន្លងមក ព្រមទាំងកម្មវិធីចាប់រង្វាន់ផ្សងសំណាងផងដែរ។

អ្នកតំណាងក្រុមហ៊ុនខាងលើបានបន្ថែមទៀតថា Ballantine’s ក្រុមហ៊ុនផលិតស្រាធំលេខ ២ លើពិភពលោកដោយបង្កើតតាំងពីឆ្នាំ ១៩១០ សន្យានឹងនាំយកកម្មវិធីកម្សាន្តថ្មីៗប្លែកៗ សម្រាប់អ្នកគាំទ្រជាច្រើនទៀត នៅពេលខាងមុខ។

សម្រាប់ព័ត៌មានបន្ថែម ចូលទៅផេកហ្វេសប៊ុកផ្លូវការ Ballantine’s Cambodia ដើម្បីទទួលបានព័ត៌មានថ្មីៗបន្តទៀត៕