ឯកឧត្តម សៅ សុខា ប្រាប់ឱ្យប្រើពាក្យដើមវិញ Offside គឺ Offside អត់ប្រើជំហរក្រៅល្បែងទេ

2019-03-11 04:07:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងមហាសន្និបាតប្រចាំឆ្នាំរបស់សហព័ន្ធបាល់ទាត់កម្ពុជា ឯកឧត្តម សៅ សុខា បានបញ្ជាក់គាំទ្របាល់ទាត់នឹងប្រើពាក្យបច្ចេកទេសដើមវិញ ដែលមានន័យថាមិនបកប្រែពាក្យទាំងនោះឡើយ។

ត្រង់ចំណុចនេះគឺមានន័យថា នឹងប្រើពាក្យបច្ចេកទេសជាទូទៅ គឺ Offside នៅតែប្រើ Offside ដដែល Free-kick នៅតែប្រើ Free-kick មិនបកប្រែទៅជាភាសារខ្មែរថា Offside ជំហរក្រៅល្បែង និង Free-kick បកថា ទាត់ដោយសេរីនោះទេ។ ការឱ្យប្រើពាក្យបច្ចេកទេសដើមនេះ ត្រូវបានឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជាបញ្ជាក់ថាបាល់ទាត់ជាកីឡាអន្តរជាតិ ហើយពាក្យបច្ចេកទេសទាំងអស់ សុទ្ធតែត្រូវប្រើទូទាំងពិភពលោក។

រំលឹកទៅវិញបន្តិចថា នៅឆ្នាំមុន គណៈកម្មាការជាតិអូឡាំពិកកម្ពុជា (NOCC) បានបើកវគ្គខ្លីដល់អ្នកកាសែតនិងពិធីករ ពិធីការិនីទាំងអស់ ដោយប្រើប្រាស់ភាសាជាតិ ក្នុងការអត្ថាធិប្បាយ។ ដោយពាក្យបច្ចេកទេសមួយចំនួនត្រូវបានបកប្រែទៅជាភាសាខ្មែរវិញ ដូច Offside បកថាជំហរក្រៅល្បែង Free-kick ទាត់បាល់ដោយសេរី Penalty បាល់ពិន័យ១១ម៉ែត្រជាដើម៕

អត្ថបទ៖ មុន្នីរម្យ