អាណិតក្មេងខ្លាំង! បេនីយុំាង សុខចិត្តចំណាយលុយផ្ទាល់ខ្លួនមិនស្ដាយ ប្រកាសរកម៉ែដោះមើលកុមារអភ័ព្វ

2019-03-28 01:55:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតថា មើលពីខាងក្រៅ ចូលចិត្តភាពសិចស៊ី ស៊ីវិល័យ ប៉ុន្តែកញ្ញា បេនីយុំាង ក៏មានចិត្តបុណ្យគួរឲ្យសរសើរដែរ ដោយនៅពេលនេះ នាងបានប្រកាសសុខចិត្តចេញលុយផ្ទាល់ខ្លួន សម្រាប់ផ្ដល់ជូនម៉ែដោះរូបណា ដែលសុខចិត្តមកមើលថែទាំកុមារអភ័ព្វ ដែលមានជំងឺទឹកដក់ក្នុងខួរក្បាល ។

តាមកញ្ញា បេនីយុំាង បានឲ្យដឹងថា កុមារខាងលើ ត្រូវឪពុកម្ដាយបោះបង់ចោលប្រមាណជាង ៥ខែមកហើយ ដោយសាររូបគេមានជំងឺទឹកដក់ក្នុងខួរក្បាល។ បច្ចុប្បន្នកុមារអភ័ព្វខាងលើ បាន និងកំពុងទទួលការព្យាបាលនៅមន្ទីរពេទ្យកុមារជាតិ។ ស្ថានភាពរបស់កុមារតូច បានឈានដល់ដំណាក់កាល វះកាត់ហើយ។

ស្រីស្អាត បញ្ជាក់ថា កុមាររូបនេះ បានទទួលការព្យាបាលដោយឥតគិតថ្លៃពីមន្ទីរពេទ្យខាងលើ ដែលរាប់ថាជាភ័ព្វមួយរបស់គេ។ យ៉ាងណា បញ្ហាដែលប្រឈមនោះ ថាតើបានអ្នកជាអ្នកនៅចាំមើលថែ កុមារតូច ក្នុងពេលទទួលព្យាបាលនេះ។ ដូច្នេះហើយ តារាស្រី បានប្រកាសរកម៉ែដោះស្ម័គ្រចិត្តទាំងឡាយ ដើម្បីមកមើលថែកុមារតូច ដោយក្នុងនោះនាងសុខចិត្តចំណាយលុយផ្ទាល់ខ្លួនសម្រាប់ថ្លៃហត់នឿយរបស់ម៉ែដោះ។

“នាងខ្ញុំសុំប្រកាសរកម៉ែដោះដែលមានចិត្តស្រលាញ់មេត្តាដល់ក្មេងដើម្បីមើលថែក្មេងម្នាក់នេះ នាងខ្ញុំនឹងជូនប្រាក់ផ្ទាល់ខ្លួនទៅគាត់ក្នុងការមើលក្មេងនេះ សូមជួយស៊ែរបន្តដើម្បីឆាប់រកបានអ្នកមើលថែអោយបានលឿននឹងឆាប់បានវះកាត់អោយគាត់មានជីវិតបានរស់ផង!”។ បេនីយុំាង អំពាវនាវ។

តារាស្រី បញ្ជាក់ថា បច្ចុប្បន្ននាងកំពុងតែរកម៉ែដោះហើយ ដោយចង់បានអ្នកដែលមានជំនាញមើលថែបានល្អទៀត។ប៉ុន្តែនៅរកមិនទាន់បាននៅឡើយ។ ដូច្នេះហើយ នាងស្នើបងប្អូន ជួយចែកចាយសាររបស់នាងបន្ត ដើម្បីឆាប់រកបានអ្នកមើលថែ។

ក្រៅពីប្រាក់ប្រចាំខែ បេនីយុំាង បញ្ជាក់ថា នាងក៏នឹងមានប្រាក់ប្រចាំថ្ងៃទៀតដែរ សម្រាប់បន្ថែមឲ្យម៉ែដោះ ក្នុងវេលាមើលថែកុមារអភ័ព្វខាងលើ ត្បិតថា នាងពិតជាចង់ឲ្យកុមាររូបនេះ បានមានភ័ព្វបន្តរស់រាននៅលើផែនដីនេះតទៅទៀតណាស់៕