ពានអបអរឆ្នាំថ្មីខេត្តរតនគីរីឈានដល់វគ្គ៨ក្រុមចុងក្រោយប្រកួតស្អែក

2019-04-05 01:56:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ងាត់ៗពានរង្វាន់សហភាពសហព័ន្ធយុវជនកម្ពុជាខេត្តរតនគីរី ឈានដល់វគ្គ៨ក្រុមចុងក្រោយហើយ បន្ទាប់ពីការការប្រកួតអស់រយៈពេល៣សប្តាហ៍កន្លងមកនេះ។

តាមការឲ្យដឹងពីគណៈកម្មការរៀបចំការប្រកួតថា ពានរង្វាន់នេះមានក្រុម១១ចូលរួមប្រកួត។ ក្រុមទាំងនោះមាន ក្រុមសសយកលំផាត់ ក្រុមសសយកបរកែវ ក្រុមសសយកអណ្តូងមាស ក្រុមសសយកបានលុង ក្រុមសសយកសាលាខេត្ត ក្រុមសសយកស្នងការខេត្ត ក្រុមសសយកវើនសៃ ក្រុមសសយកតាវែង ក្រុមសសយកអូយ៉ាដាវ ក្រុមសសយកកូនមុំ និងក្រុមសសយកលំផាត់។

ការប្រកួតត្រូវបានបែងចែកជា៣ពូលដោយប្រើរូបមន្តយកលេខ១និងលេខ២ឡើងវគ្គបន្ត។ ដោយឡែកក្រុមលេខ៣ល្អ ចំនួន២ក្រុម មកពីពូលទាំង៣ត្រូវបានជ្រើសរើសឡើងទៅបង្គ្រប់៨ក្រុមចុងក្រោយ។

វគ្គ៨ក្រុមចុងក្រោយមានក្រុមនឹងប្រកួតនៅថ្ងៃសៅរ៍ ទី៦ ខែមេសា ឆ្នាំ២០១៩ នៅទីលានបាល់ទាត់ខេត្តរតនគីរី

ម៉ោង៧:៣០នាទីព្រឹក៖ ក្រុម សសយកបកែវ vs ក្រុមសសយកវើនសៃ
ម៉ោង៩:៣០នាទីព្រឹក៖ ក្រុមសសយកស្នងការ vs ក្រុមសសយកបានលុង
ម៉ោង២:៣០នាទីរសៀល៖ ក្រុមសសយកអូរជុំ vs ក្រុមសសយកសាលាខេត្ត
ម៉ោង៤:០០រសៀល៖ ក្រុមសសយកអណ្តូងមាស vs ក្រុមសសយកអូរយ៉ាដាវ

សូមបញ្ជាក់ថា ការប្រកួតពានរង្វាន់នេះបានចាប់ផ្តើមតំាងពីថ្ងៃទី១៦ ខែមីនា ហើយគ្រោងនឹងបញ្ចប់នៅថ្ងៃទី១៤ ខែមេសា ឆ្នាំ២០១៩ ជាថ្ងៃដំបូងនៃពិធីបុណ្យចូលឆ្នាំថ្មីប្រពៃណីជាតិខ្មែរ។ ពិធីបើកការប្រកួតផ្លូវការបានធ្វើឡើងនៅថ្ងៃទី២៥ ខែមីនា ឆ្នាំ២០១៩ ក្រោមអធិបតីភាព ឯកឧត្តម ថង សាវុន អភិបាលខេត្ត និងជាប្រធានស.ស.យ.កខេត្តរតនគីរី៕