Arsenal ជាក្រុម PL តែមួយគត់ដែលមិនទាន់ស្គាល់ជាតិ Clean Sheet នៅក្រៅដី

2019-04-08 12:51:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងលីគកំពូលអង់គ្លេស មកទល់នឹងដើមខែមេសានេះ ក្លឹបភាគច្រើនសុទ្ធតែស្គាល់ជាតិអស់ហើយ មិនថាចាញ់ ឈ្នះ ឬក៏ស្មើ ប៉ុន្តែចំពោះ Arsenal វិញ ក្លឹបដែលមានមូលដ្ឋាននៅរាជធានីឡុងដុងមួយនេះមិនទាន់ស្គាល់ជាតិបិទមិនឲ្យគេស៊ុតចូល ឬ Clean Sheet នៅក្រៅដីទេ ក្នុងរដូវកាល ២០១៨/១៩នេះ។

ក្លឹបកាំភ្លើងធំ Arsenal បានខកខានរកបាន Clean Sheet នៅក្រៅដី ក្នុងក្របខ័ណ្ឌ Premier Leagueតាំងពី ១១ខែ ពោលគឺកាលពីជ័យជម្នះ ១-០ ពេលប៉ះនឹងក្លឹប Huddersfiled នៅក្នុងរដូវកាល ២០១៧/១៨។

ចំណែកឯប្រកួតនៅក្នុងកីឡដ្ឋាន Emiratesវិញ ក្លឹបដែលបង្វឹកដោយលោក Unai Emery មួយនេះបានទប់បាន Clean Sheet បាន ៧ប្រកួតក្នុងរដូវកាលនេះ។

យ៉ាងណាមិញ Arsenal នៅសល់ ៦ប្រកួតទៀត ដែលក្នុងនោះមានដូចជាប្រកួតប៉ះនឹង Watford (ក្រៅដី), Crystal Palace (ក្នុងដី), Wolves (ក្រៅដី), Leicester (ក្រៅដី), Brighton (ក្នុងដី) និងBurnley (ក្រៅដី)។

ចំណែកក្នុងតារាងចំណាត់ថ្នាក់លីគកំពូលអង់គ្លេស Arsenal កំពុងតែឈរលើចំណាត់ថ្នាក់លេខ ៤ ដោយមាន ៦៣ពិន្ទុ ដូចគ្នានឹងក្លឹប Chelsea ដែលនៅឈរចំណាត់ថ្នាក់លេខ ៥ ខណៈក្លឹប Tottenham Hotspur ឈរលេខ ៣ និងមាន ៦៤ពិន្ទុ៕

ប្រភព៖ Bleacherreport ប្រែសម្រួល៖ ហ៊ីម រស្មី