យុវជនល្អបំផុតថ្នាក់ជាតិU-15ឆ្នាំ២០១៩បន្តឈ្នះពានកីឡាករល្អបំផុតកីឡាសិស្សខេត្តក្រចេះ

2019-04-12 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជួយក្រុងក្រចេះលើកពានជើងឯកសិស្សមធ្យមក្រចេះឆ្នាំ២០១៩ កីឡាក យ៉ង ធារ៉ាត បានក្លាយជាកីឡាករល្អបំផុត(Man of the Match)ក្នុងការប្រកួតវគ្គផ្តាច់ព្រ័ត្របាល់ទាត់បុរសជើងឯកសិស្ស មធ្យមប្រចាំខេត្តក្រចេះរវាងក្រុងក្រចេះ និងស្រុកឆ្លូង។

យុវជន យ៉ង ធារ៉ាត់ (រូបថតផ្តល់ឲ្យ)

ការប្រកួតបានចំណាយពេលរហូតដល់នាទី១៥នាទីលើកទី១ ទើបកីឡាករដែលមានអាយុក្មេងជាងគេក្នុងការប្រកួតបាល់ទាត់សិស្សរូបនេះរកគ្រាប់ទី១ បានដោយការប្រើជើងឆ្វេងទាត់ចូលទីបានសម្រេច និងបន្ថែមគ្រាប់បាល់ទី២ដោយការស៊ុត Voley បានសម្រេច។ នៅម៉ោងបន្ថែមទី១៥ កីឡាករឆ្នើមបំផុតរបស់ក្រុងក្រចេះ កើត ពេជ្រ បានរកគ្រាប់បាល់ទី២ ដោយបាល់ប៉េណាល់ទី បន្ទាប់ពីកីឡាករស្រុកឆ្លូងបង្កកំហុសក្នុងតំបន់គ្រោះថ្នាក់។

កីឡាករ កើត ពេជ្រ និង យុវជន យ៉ង ធារ៉ាត់

យុវជន យ៉ង ធារ៉ាត់ (រូបថតផ្តល់ឲ្យ)

គួរបញ្ជាក់ផងដែរថា យុវជន យ៉ង ធារ៉ាត់ ទើបត្រូវបានជ្រើសរើសជាកីឡាករលេងល្អជាងគេក្នុងយុទ្ធនាការ ពានរង្វាន់បាល់ទាត់ ជម្រើសជើងឯកជាតិអាយុក្រោម១៥ឆ្នាំ របស់សហព័ន្ធកីឡាបាល់ទាត់កម្ពុជា និងជាប់ជាកីឡាករទាំង៣០ របស់សាលាបាល់ទាត់ជាតិទន្លេបាទីក្រោម១៥ឆ្នាំ ដើម្បីហាត់ត្រៀមស៊ីហ្គេម ជាមួយកីឡាករក្រចេះ២នាក់ផ្សេងទៀតផងដែរ៕