Facebook សម្ងំ​បង្កើត​បច្ចេកវិទ្យា​សំឡេង​ដ៏​ទំនើប​មួយផ្ទាល់ខ្លួន

  • 2019-04-18 07:15:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​ក្រុមហ៊ុន​បណ្ដាញ​សង្គម​ដ៏​មាន​ប្រជាប្រិយភាព​ជាង​គេ Facebok ​ត្រូវ​បាន​គេ​ទម្លាយ​ឲ្យ​ដឹង​ថា ​កំពុង​សម្ងំ​បង្កើត​បច្ចេកវិទ្យា​ជំនួយ​ការ​សំឡេង( AI digital voice assistant) ផ្ទាល់ខ្លួន។ មុខងារថ្មីនេះ អាចនឹងចូលមកជំនួសឲ្យ​មុខងារ​សំឡេង M suggestions ដែលបានប្រកាសបិទ​កាល​ពី​ពេល​ដើមឆ្នាំ ២០១៨ ក្រោយមិនទទួលបានជោគជ័យ។ នេះ​យោង​តាម​សារព័ត៌មាន​ CNBC។

Mark កាលធ្វើបទបង្ហាញក្នុងកម្មវិធីមួយ

​មុខងារ​សំឡេង​ឆ្លាត​វៃ​នេះ នៅ​មិន​ទាន់​ចេញ​រូបរាង​នៅ​ឡើយ​ទេ កំពុងស្ថិតក្នុងដំណាក់កាលអភិវឌ្ឍន៍។ យ៉ាង​ណា​មិញ វា​អាច​នឹង​សម្រាប់​ប្រើ​លើ​មុខងារ​ជាច្រើនលើ Facebook ដូចជា Messenger និងចំណែកធំជាងគេគឺលើ Facebook PORTAL និង Oculus products។

Facebook ​ក៏​បាន​បញ្ជាក់​ដែរ​ថា ​មុខងារ​សំឡេង​ឆ្លាត​វៃ​ថ្មី​នេះ វា​ជា​ទម្រង់​មួយ​ផ្សេង​​ អាចនឹងមិន​មែន​ជាគូ​ប្រជែង Google Assistant ឬ Alexa នោះ​ទេ៕​

Mark កាលធ្វើបទបង្ហាញក្នុងកម្មវិធីមួយ
មុខងារសំឡេង M suggestions

ប្រភព៖ The Verge   ប្រែ​សម្រួល៖ រក្សា